Andrea Róbertsdóttir, framkvæmdastjóri FKA, og Jón Þór Eyþórsson framkvæmdastjóri eru framkvæmdaglöð með eindæmum. Nú hafa þau fest kaup á 242 fm einbýlishúsi við Dalsbyggð í Garðabæ. Húsið var byggt 1978 og hefur haldið sér í anda þess tíma með upprunalegum innréttingum. 

Þegar húsið var auglýst til sölu var þar að finna eikar-innréttingar, hraunaða veggi og músteinsklædda veggi. Loft með bitum eins og var í tísku á þeim tíma sem Dallas var að byrja í sjónvarpinu en þættirnir hófu göngu sína sama ár og húsið var byggt. Eitt af baðherbergjunum í húsinu er með steyptu baðkari sem er flísalagt en slíkt þykir afar fínt enda sjaldgæft. 

Andrea hefur mikla hæfileika á innanhússsviðinu og hefur gert upp fjölmörg híbýli í gegnum tíðina með góðum árangri. Nú síðast gerði hún upp einbýlishús við Tjarnarflöt 9 í Garðabæ. 

Smartland óskar Andreu og Jóni Þór til hamingju með húsið!