Leikarinn, dansarinn og fyrrverandi fótboltamaðurinn, Rúrik Gíslason, festi kaup á íbúð við Garðatorg árið 2017. Íbúð hans er rúmlega 100 fm að stærð og hefur að geyma fallegt útsýni. Ef þig dreymir um að lifa eins og kóngur eða lifa eins og Rúrik þá gætir þú látið drauminn rætast því nú er íbúð í húsinu komin á sölu. 

Um er að ræða 107 fm íbúð sem er í blokk sem reist var 2016. Íbúðin er vönduð með örlítið hærri lofthæð en gengur og gerist. Í íbúðinni flæðir stofa og eldhús saman í eitt. Innréttingar úr eik eru í eldhúsinu og þar eru líka innihurðar úr sama efni. 

Horft úr borðstofu inn í eldhús.

Íbúð sem býður upp á möguleika

Það væri hægt að breyta íbúðinni í höll ef veggir yrðu málaðir, smart barstólar yrðu settir við eyjuna og fallegum húsgögnum yrði komið fyrir. Það mætti gjarnan taka háfinn fyrir ofan eyjuna niður og láta sérsmíða háf í staðinn sem gæfi meiri karakter. Það mætti líka setja Z-brautir meðfram loftinu í stofu og í herbergjum og koma fyrir léttum gluggatjöldum úr hör eða öðru flottu efni. 

Það mætti taka háfinn niður og finna aðra lausn til að eyða steikingarlykt úr íbúðinni.

Eins og sjá má býður íbúðin upp á möguleika. 

Sjá nánar á fasteignavef mbl.is: Garðatorg 2

Blokkin var reist árið 2016.

Tengdar fréttir

Heimili

159 milljóna funkíshús eftir Kjartan Sveinsson

• Valgerður hefur tvisvar keypt sama húsið sem nú er komið á sölu
• Bústaður biskups seldur á 360 milljónir
• Áshildur keypti íbúð Björns Zoëga
• Félag viðskiptakonu keypti bústað biskups

» Fleiri tengdar fréttir

• Blogga um frétt