Við Háteigsveg 40 er að finna 56 fm risíbúð sem hefur að geyma ógleymanlegt útsýni. Íbúðin er að hluta til undir súð og er gólfflöturinn stærri eða 70 fm. Íbúðin er á efstu hæð í húsi sem reist var 1948. 

Íbúðin hefur verið endurnýjuð töluvert og var eldhúsið fært inn í stofu. Þar er blá innrétting með ljósum borðplötum. Í eldhúsinu er amerískur ísskápur, vínkælir og eyja með spanhelluborði. 

Stór gluggaveggur prýðir eldhúsið og borðstofuna og úr rýminu er útgengi út á útsýnissvalirnar þar sem Perlan skartar sínu fegursta. 

Nýlegt baðherbergi 

Á baðherberginu eru nýlegar flísar og innréttingar. Marokkósk munstur prýðir gólfflísarnar en á veggjum eru stórar steingráar flísar sem þykja klassískar. Allt fer þetta vel við hvítar innréttingu með fulningahurðum. 

Sjá nánar á fasteignavef mbl.is: Háteigsvegur 40