Smartland Mörtu Maríu | Heimili og hönnun | mbl | 30.10.2024 | 19:00

Ási keypti lúxusíbúð Heiðars Helgusonar

Ásgrímur Geir Logason eða Ási er með hlaðvarpsþáttinn Betri helmingurinn hefur fest kaup á íbúð. Ljósmynd/Aðsend

Ásgrímur Geir Logason, leikari og hlaðvarpsstjarna í Betri helmingurinn með Ása, og Katrín Ósk Þorsteinsdóttir hafa fest kaup á 203.6 fm íbúð í Kópavogi. Íbúðin er í blokk sem reist var 2021. Hún var áður í eigu Heiðars Helgusonar fótboltamanns og vakti athygli hérlendis þegar hún var auglýst til sölu.

Íbúðin er hreinræktuð lúxusíbúð og hefur að geyma allt það helsta sem lúxussækið fólk vill hafa í nærumhverfi sínu. Íbúðin er á tveimur hæðum og í eldhúsinu eru sérsmíðaðar innréttingar.

Hvít sprautulökkuð innrétting kúrir afslöppuð upp við vegg en fyrir framan hana er að finna eyju með viðarhurðum. Smartheitin eru römmuð inn með Dektonborðplötu sem nær upp á vegg. Um er að ræða einn vinsælasta steininn í dag en hann er framleiddur úr 100% endurunnum steinefnum og rispast lítið og er mjög hitaþolinn. Þetta er hið fullkomna borðplötuefni fyrir fólk með fjölathygli sem gleymir alltaf að setja hitaplatta undir þegar það tekur franskar úr ofninum.

Eldhúsið er sérlega lekkert og smart með hinum vinsæla Dektonsteini sem er verksmiðjuframleiddur og þolir allt.

Frétt af mbl.is

Heiðar Helguson selur 203 fm lúxusíbúð

Rígheldur í Kópavog

Ásgrímur bjó áður við Sunnusmára í Kópavogi en það hafa orðið ýmsar breytingar á högum hans síðustu misseri. Hann ákvað til dæmis að læra hárgreiðslu og er verðandi hársnyrtir og svo hann ástina á ný eftir sambandsslit. Ási og Katrín eru sem sagt frekar nýlegt par en sambandið er komið á ákveðið stig fyrst þau keyptu saman 142.000.000 kr. íbúð.