Við Ægisíðu er heillandi, nýuppgerð og falleg íbúð til sölu. Gatan er ein sú eftirsóttasta í Reykjavík þar sem útsýnið nær óhindrað lengst út á haf. Eignin er 174 fm en húsið er steinað meðal annars með íslenskri hrafntinnu.

Íbúðin er nýuppgerð og var lagt mikið upp úr því að öll birta næði að flæða um íbúðina. Eigninni fylgir rúmgóður bílskúr með hita og rafmagni sem hefur verið nýttur sem gesta- og vinnustofa.

Tvö baðherbergi og fjögur svefnherbergi fylgja eigninni. Eldhúsinnréttingin er svört með tvöföldum innbyggðum ísskáp og uppþvottavél. Í eldhúsi er skorsteinn og möguleiki á að setja arin.

Sjá á fasteignavef mbl.is: Ægisíða 68