Fanney og Teitur keyptu einbýlishús í Garðabæ

Fanney Ingvarsdóttir og Teitur Páll Reynisson keyptu einbýlishús í Garðabæ.
Fanney Ingvarsdóttir og Teitur Páll Reynisson keyptu einbýlishús í Garðabæ. Ljósmynd/Íris Dögg Einarsdóttir

Fanney Ingvarsdóttir, áhrifavaldur og markaðsfulltrúi Bioeffect, og Teitur Páll Reynisson bankamaður hafa fest kaup á fallegu einbýlishúsi í Garðabæ. Um er að ræða hús á einni hæð við Markarflöt í Garðabæ. Húsið var auglýst til sölu í lok febrúar og stoppaði ekki lengi við á sölu. 

Hjónunum veitir víst ekki af stærra húsnæði því þau eiga von á þriðja barninu eins og kom fram á Smartlandi: 

Húsið er 195 fm að stærð og var reist 1967. Húsið sjálft er 165,2 fm og er bílskúrinn 29,8 fm að stærð. 

Húsið er hannað í anda þess tíma sem það var byggt á. Þar er að finna örlítið hallandi þak, stóra glugga, panilklædda veggi og eikar-innihurðar sem voru vinsælar á þeim tíma sem húsið var reist. 

Fanney og Teitur keyptu húsið af Marsibil Ólafsdóttur og greiddu fyrir það 157.500.000 kr. Kaupin fóru fram 11. mars og fá þau húsið afhent 1. apríl. 

Smartland óskar hjónunum til hamingju með húsið! 

Húsið er við Markarflöt í Garðabæ.
Húsið er við Markarflöt í Garðabæ.
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

endurskoðandi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál

lýtalæknir svarar spurningum lesenda