Þetta ber hæst á Hönnunarmars í ár

Það verða spennandi sýningar um alla miðborg næstu daga.
Það verða spennandi sýningar um alla miðborg næstu daga. Samsett mynd

Hönn­un­ar­mars fer fram dag­ana 2.-6. apríl í sautjánda sinn. Á hátíðinni er hönn­un og arki­tekt­úr fagnað og dag­skrá­in hef­ur sjald­an verið meiri. Hátíðin hefst með Design Talks í Hörpu þann 2. apríl en opn­un­ar­partý Hönn­un­ar­mars fer fram 3. apríl. Í kjöl­farið opna sýn­ing­ar um alla miðborg. 

Fata­hönnuðir framtíðar­inn­ar

Lands­bank­inn gef­ur sex ung­um fata­hönnuðum sviðið á hátíðinni. Þátt­tak­end­ur eru Andrea Mar­grét­ar­dótt­ir, Kári Ey­vind­ur, Michel Pajak Pajonk, Sig­ríður Ágústa Finn­boga­dótt­ir, Sól­ey Jó­hanns­dótt­ir og Thelma Gunn­ars­dótt­ir. 

Sýn­ing­arstaður: Lands­bank­inn, Reykja­stræti 6

Fatahönnuðir framtíðarinnar hjá Landsbankanum.
Fata­hönnuðir framtíðar­inn­ar hjá Lands­bank­an­um. Ljós­mynd/​Hönn­un­ar­miðstöð

Tobia Zam­botti x Po­lest­ar

Sýn­ing­ar­sal­ur Po­lest­ar mun breyt­ast í áhrifa­mikla hönn­un­ar­miðstöð þar sem fram­sæk­in verk Tobia Zam­botti mæta stefnu Po­lest­ar um sjálf­bæra ný­sköp­un. Zam­botti, inn­an­húss­hönnuður, er þekkt­ur fyr­ir djörf, nú­tíma­leg og um­hverf­i­s­væn verk. Á sýn­ing­unni sýn­ir hann fjög­ur verk, Coat-19, The Fan Chair, Reel og Sea Level Rise Chair.

Sýn­ing­arstaður: Po­lest­ar Space, Brim­borg. Bílds­höfði 6. 

Tobia Zambotti og Polestar.
Tobia Zam­botti og Po­lest­ar. Ljós­mynd/​Hönn­un­ar­miðstöð

99 ár

Í ár fagn­ar ís­lenska úti­vist­ar­merkið 66°Norður 99 ára af­mæli og af því til­efni verður sett upp sér­stök sýn­ing sem ber heitið „99 ár - 867,815,464 klukku­stund­ir.“ Á sýn­ing­unni verða sí­gild­ar og sögu­leg­ar flík­ur í bland við nýrri. Þar má nefna sjó­stakk frá fimmta ára­tugn­um og fatnað frá Ólymp­íu­leik­un­um. 

Sýn­ing­arstaður: Lista­safn Reykja­vík­ur, Hafn­ar­húsið 

99 ár frá 66° Norður.
99 ár frá 66° Norður. Ljós­mynd/​Hönn­un­ar­miðstöð

Drottn­ing­ar

Þura Stína, graf­ísk­ur hönnuður og list­rænn stjórn­andi, set­ur upp sýn­ingu byggða á hug­ar­heimi henn­ar. Með sýn­ing­unni vill Þura Stína leggja áherslu á eðli drottn­ing­ar­inn­ar í gegn­um grafík, orðatil­tæki og upp­lif­un. Í rým­inu mun SURA einnig opna pop-up verzl­un­ina SuraShop þar sem verður hægt að kaupa verk­in sem eru til sýn­is.

Sýn­ing­arstaður: Á milli Gallery, Ing­ólfs­stræti 6

Drottningar sem er verkefni Þuru Stínu.
Drottn­ing­ar sem er verk­efni Þuru Stínu. Ljós­mynd/​Hönn­un­ar­miðstöð

Hvíslu­stell

Hvíslu­stell er sam­starfs­verk­efni fimm ein­stak­linga, vöru­hönnuða, fata­hönnuðar og mynd­list­ar­manns þar sem unnið er að því að skapa mat­ar­stell. Not­ast er við aðferð byggða á teikni­leikn­um exquisite corpse þar sem hver og einn byrj­ar að mynda hlut sem vís­ar í borðbúnað og svo tek­ur næsti við og held­ur vinn­unni áfram á sinn hátt, og koll af kolli. Hvíslu­stell er unnið í sam­starfi við veit­ingastaðinn Hosiló þar sem verk­efnið verður að auki sýnt sem hluti af mat­ar­upp­lif­un staðar­ins. Þátt­tak­end­ur eru Agnes Ársæls­dótt­ir, Berg­lind Ósk Hlyns­dótt­ir, Re­bekka Ashley Eg­ils­dótt­ir, Sil­vía Sif Ólafs­dótt­ir og Sylvía Dröfn Jóns­dótt­ir.

Sýn­ing­arstaður: Hosiló, Hverf­is­götu 12

Hvíslustell á veitingastaðnum Hosiló.
Hvíslu­stell á veit­ingastaðnum Hosiló. Ljós­mynd/​Hönn­un­ar­miðstöð

30 ár af hönn­un

Sýn­ing sem er hald­in í til­efni af þrjá­tíu ára af­mæli Fé­lags vöru- og iðnhönnuða. Á sýn­ing­unni gefst tæki­færi til að sjá brot af því besta sem ís­lensk­ir hönnuðir hafa skapað í gegn­um tíðina. Þetta er ekki tæm­andi yf­ir­lit held­ur lif­andi inn­sýn í hug­mynda­flug, sköp­un­ar­gleði og fjöl­breyti­leika hönn­un­ar á Íslandi. 

Sýn­ing­arstaður: Reykja­stræti 6

30 ár af hönnun.
30 ár af hönn­un. Ljós­mynd/​Hönn­un­ar­miðstöð

Dav­id Tayl­or: AT HAKK

Dav­id Tayl­or er skosk­ur hönnuður og silf­ursmiður sem hef­ur starfað um ára­tuga­bil í Svíþjóð. Hann er þekkt­ur fyr­ir frjáls­lega meðhöndl­un óhefðbund­inna efna og iðnaðarúr­gangs sem er yf­ir­leitt í and­stöðu við fín­gerða og ná­kvæma smíði gripa úr dýr­ari málm­um. Ál er kjarn­inn í efn­is­vali Tayl­ors. Í HAKK Gallery verða til sýn­is bæði verk sem smíðuð eru sér­stak­lega fyr­ir sýn­ing­una, sem og önn­ur ný­leg verk. 

Sýn­ing­arstaður: Hakk Gallery, Óðins­götu 1

David Taylor í Hakk Gallery.
Dav­id Tayl­or í Hakk Gallery. Ljós­mynd/​Hönn­un­ar­miðstöð

Bibi & Bella

Bibi & Bella er lúxusmerki fyr­ir stelp­ur á aldr­in­um 4-12 ára. Merkið býður upp á skraut­leg­ar yf­ir­hafn­ir og fylgi­hluti úr hágæðaefn­um. Mark­miðið er að skapa draum­kennd­ar og tíma­laus­ar flík­ur sem bæði end­ast og erf­ast. 

Sýn­ing­arstaður: Versl­un­in Eva, Lauga­vegi 26

Bibi & Bella.
Bibi & Bella. Ljós­mynd/​Hönn­un­ar­miðstöð

Hag­vext­ir og saga þjóðar

Sýn­ing um þjóðhag­fræðileg gögn og sögu ís­lensku þjóðar­inn­ar sem miðlað er með þrívíðum og tví­víðum hætti. Þátt­tak­end­ur eru Búi Aðal­steins­son, Hanna Dís Whitehead, Brynj­ar Sig­urðar­son, Rúna Thors og Gallery Port. 

Sýn­ing­arstaður: Gallery Port, Hall­gerðargötu 19-23

Hagvextir og saga þjóðar.
Hag­vext­ir og saga þjóðar. Ljós­mynd/​Hönn­un­ar­miðstöð

Hidd­en Goods

Hidd­en Goods er tösku­merki stofnað af Hrafn­hildi G. Thorodd­sen fata­hönnuði. Í ár kynn­ir hún nýja línu sem er inn­blás­in af hand­verki og end­ur­nýt­ingu efn­is á skap­andi hátt. Leit­ast er við að finna fal­inn spenn­andi mögu­leika í hvers­dags­leg­um flík­um og umbreyta í ein­staka fylgi­hluti. 

Sýn­ing­arstaður: Stef­áns­búð, Lauga­vegi 

Hidden Goods.
Hidd­en Goods. Ljós­mynd/​Hönn­un­ar­miðstöð

Tex­tíl­deild Mynd­lista­skól­ans í Reykja­vík x As We Grow

Spenn­andi sam­starf á milli nem­enda í tex­tíl­braut Mynd­lista­skól­ans í Reykja­vík og ís­lenska hönn­un­ar­fyr­ir­tæk­is­ins As We Grow. Nem­end­ur fengu tæki­færi til að vinna með raun­veru­legt vörumerki, kynna sér starf­semi þess og þróa nýj­ar hug­mynd­ir að vör­um.

Sýn­ing­arstaður: As We Grow, Hafn­ar­stræti 19

Að lesa í hraun.
Að lesa í hraun. Ljós­mynd/​Hönn­un­ar­miðstöð

Að lesa í hraun

Lista­kon­urn­ar Lilý Erla Adams­dótt­ir og Thora Finns­dótt­ir opna sam­starfs­sýn­ingu þar sem unnið er með feg­urð ís­lenskr­ar nátt­úru. Snævi þakt­ar fjalls­hlíðar, mosa­vaxið land og víðáttu­mikl­ar hraun­breiður hafa lengi veitt lista­fólki og hönnuðum inn­blást­ur. Þessi ein­kenni lands­lags­ins erU sam­eig­in­leg­ur snerti­flöt­ur sam­starfs­ins sem er í stöðugri þróun. 

Sýn­ing­arstaður: List­val Galle­rí, Hólma­slóð 6

Forkeppni Creative Business Cup á Íslandi.
For­keppni Creati­ve Bus­iness Cup á Íslandi. Ljós­mynd/​Hönn­un­ar­miðstöð

For­keppni Bright - Creati­ve Bus­iness Cup á Íslandi

Creati­ve Bus­iness Cup er ár­leg­ur viðburður sem hald­inn er í Kaup­manna­höfn þar sem skap­andi sprota­fyr­ir­tæki frá yfir 80 lönd­um keppa um titil­inn fyr­ir bestu hug­mynd­ina. Sig­ur­veg­ari for­keppn­inn­ar verður fram­lag Íslands í CBC 2025 og fær flug og gist­ingu í Kaup­manna­höfn ásamt því að fá aðstoð við að láta sprota­fyr­ir­tækið sitt vaxa og teygja sig á nýja markaði.

Sýn­ing­arstaður: Gróska, Bjarg­ar­götu 1

Frjóvgun.
Frjóvg­un. Ljós­mynd/​Hönn­un­ar­miðstöð

Frjóvg­un

Á Hönn­un­ar­mars mun ilm­gerðin Fischer­sund frum­sýna nýja ilm­vatns­flösku hannaða af Ingi­björgu Birg­is­dótt­ur sam­hliða því að kynna til leiks fyrsta ilm­inn úr Faux Flora serí­unni. Til að ramma inn Faux Flora heim­inn verður gef­in út 7 tommu vínylplata með tónlist sem sam­in var sér­stak­lega fyr­ir ilm­inn. 

Sýn­ing­arstaður: Fischer­sund 3

Þetta er aðeins brot af því sem er að ger­ast á Hönn­un­ar­mars þetta árið. Kynntu þér stút­fulla dag­skrá á vef Hönn­un­ar­miðstöðvar.

mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

endurskoðandi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál

lýtalæknir svarar spurningum lesenda