Smartland Mörtu Maríu | Heimili og hönnun | mbl | 16.5.2025 | 8:44 | Uppfært 19.5.2025 10:21

Útsýnishús á besta stað á Seltjarnarnesi

Við Sæbraut 7 á Seltjarnarnesi er að finna 303 fm einbýlishús sem reist var 1968. Húsið er teiknað af Guðmundi Kr. Kristinssyni arkitekt. Húsið stendur á einstökum stað alveg við sjóinn og hefur að geyma óhindrað útsýni út á haf.

Húsið er á tveimur hæðum.

„Komið er inn í anddyri með flísum á gólfi. Góður fataskápur er í anddyri. Inn af anddyri er gestasnyrting. Úr anddyrinu er svo gengið inní stofu. Borðstofan, stofan og sjónvarpsstofan er eitt rými með parketi á gólfi. Rennihurð er úr stofunni útá verönd. Við borðstofuna er rúmgott eldhús. Flísar eru á gólfi í eldhús og steinn á borðum. Eldhús er snyrtilegt og var endurnýjað fyrir nokkrum árum. Svefnherbergisgangur er með parketi á gólfi. Góð rennihurð er út á verönd frá ganginum. Svefnherbergin eru með parketi á gólfi. Baðherbergi er með flísum á gólfi og veggjum. Góð innrétting er á baðherbergi og sturta. Frá svefnherbergisgangi er gengið niður á neðri hæðina. Parket er á flestum rýmum á neðri hæðinni. Flísar á geymslum og þvottahúsi. Möguleiki er að gera auka íbúð á neðri hæðinni. Garðurinn við húsið er snyrtilegur og í góðri rækt. Flísalögð verönd er við húsið og lítil sundlaug. Köld geymsla er undir veröndinni. Bílskúr er með rafmagni og hita,“ segir á fasteignavef mbl.is.

Eigendur hússins eru Jónína Björg Jónasdóttir og Steinn Jónsson.

Hægt er að skoða húsið nánar á fasteignavef mbl.is: Sæbraut 7 og Sæbraut 7