Hild­ur Gunn­laugs­dótt­ir er arki­tekt og lífs­k­únstner sem stend­ur í ströngu við að þróa með sér græna fing­ur.

Ertu með græna fing­ur?

„Nei, en ég ætla að reyna að þróa þá með mér og hef mjög gam­an af því að læra meira og prófa mig áfram.“

Hvernig mynd­irðu lýsa garðinum þínum?

„Hann er pínu­lít­ill en nýt­ist mjög vel. Hann er mikið svæðaskipt­ur, þannig að það er pláss fyr­ir ótrú­lega margt.“

Hvaða blóm er í upp­á­haldi í garðinum?

„Ég er að von­ast til þess að það verði bóndarós­irn­ar sem ég setti niður í fyrra. Ég var vand­ræðal­ega spennt þegar ég sá að þær voru að koma upp aft­ur. Ég ætla líka að setja niður lauka frá Eld­blóm­um í haust, en ég elska lauka sem poppa óvænt upp aft­ur og aft­ur.“

Hvað er best að borða í garðinum?

„Fingramat og drekka gott vín með. Ég elska osta, ávexti og kex og kælda rósa­vín­flösku í góðum fé­lags­skap í garðinum, jafn­vel í pott­in­um.“

Hvað keypt­ir þú síðast inn á heim­ilið?

„Ég tók í gegn her­bergi ferm­ing­ar­barns­ins míns um dag­inn þannig að ætli það séu ekki hús­gögn­in þar og nýja rúmið henn­ar. Mig dreym­ir um að kaupa eins handa mér líka.“

Hvað keypt­ir þú síðast inn í garðinn?

„Gróður­húsið sem ég setti upp síðasta sum­ar, sem er dá­sam­leg viðbót við garðinn. Já og bíótjaldið, sem er nú reynd­ar bara gardína úr Bauhaus en ég get verið með úti­bíó í pott­in­um, sem er frek­ar æðis­legt.“

Hvað ertu ánægðust með í garðinum?

„Nýt­ing­una á hon­um og aðgengið beint úr stof­unni út í garð. Þótt hann sé lít­ill er enda­laust hægt að nýta hann í hitt og þetta. Hann er smá eins og fram­leng­ing á stof­unni okk­ar. Við lækkuðum lóðina und­ir svöl­un­um, en þar er sól fram eft­ir kvöldi á sumr­in og dá­sam­legt að hanga þar í garðsófa með eld­stæðið í gangi.“

Hvað finnst þér skemmti­leg­ast að gera í garðinum?

„Vera með dætr­um mín­um í garðinum. Við erum núna að rækta sum­ar­blóm úr fræj­um og síðasta sum­ar ræktuðum við papriku­plönt­ur. Svo finnst mér bara gam­an að dytta að, en alltaf þegar ég er eitt­hvað að vesen­ast í garðinum, jafn­vel bara að sópa, koma þær og hjálpa mér eða eru að leika sér ná­lægt.“

Hver er lyk­ill­inn að góðri garðveislu?

„Fyrst og fremst skemmti­legt fólk. En síðan er það fjöl­breytt setsvæði, sum­ir eru í fín­um kjól­um og vilja sitja á huggu­leg­um sól­um og aðrir á teppi á gras­inu. Svo er það klár­lega að skreyta garðinn meira en minna, ég elska að skreyta með pallí­ett­um, diskó­kúl­um og öðru sem end­urkast­ar birt­unni og blóm­um. Gott vín og góður mat­ur eru auðvitað lyk­il­atriði, ekki er verra ef það er svo fal­legt að það virki sem hluti af skreyt­ing­un­um. Mér finnst líka æðis­legt að vera með æti­leg blóm og skella þeim út í glös­in, en það er frá­bær leið til þess að vita hver á hvaða glas. Svo er nauðsyn­legt að hafa kveikt á pott­in­um, en góð garðpartí enda yf­ir­leitt í pott­in­um.“

Af hverju ætti fólk að rækta garðinn sinn?

„Mín kenn­ing er sú að það sé gott fyr­ir sál­ina að sjá eitt­hvað vaxa og dafna, en vís­inda­leg­ar rann­sókn­ir sýna fram á að okk­ur mann­eskj­unni líður bet­ur í kring­um gróður. Ég held líka að það sé ótrú­lega þrosk­andi fyr­ir börn að rækta eitt­hvað.“

Hvar fékkstu inn­blást­ur fyr­ir garðinn?

„Frá höfuðátt­un­um og ríkj­andi vindátt­um. Ég reyndi að hanna garðinn þannig að hann væri skjól­sæll og sól­rík­ur. Slíkt skipt­ir sköp­um hér á Íslandi, en eng­inn er úti í skugga og vindi sér til skemmt­un­ar. Mér fannst líka mik­il­vægt að vera með mis­mun­andi svæði eins og grillsvæði, kósí-sófa­svæði í skjóli frá pott­in­um og að pott­ur­inn væri miðsvæðið.“

Áttu sér­stak­an garðfatnað?

„Nei, bara gamla slitna jogg­inggalla sem eru mikið notaðir í garðinum. Ég sýni mikið frá garðinum á sam­fé­lags­miðlum, þannig að ég held að það sé kom­inn tími á betri og smart­ari garðföt. Ég er mjög opin fyr­ir til­lög­um.“

Er öll fjöl­skyld­an dug­leg í garðinum?

„Nei, ég get ekki sagt það, en ég fékk mjög mikla aðstoð frá syst­ur minni og mann­in­um henn­ar mömmu þegar ég var að stand­setja garðinn og setja upp gróður­húsið.“

Hvernig var garður­inn þegar þið keyptuð húsið?

„Hann var í raun frek­ar dá­sam­leg­ur en um leið glataður. Það dá­sam­lega var ynd­is­lega fal­legt gull­regn sem stóð í miðjum garðinum, það glataða var að það var ein­hver sér­stak­lega eitruð týpa og það komst ekk­ert annað fyr­ir í garðinum. Ég syrgi samt tréð enn og vildi óska þess að ég ætti nægi­lega stór­an garð til þess að vera með fal­leg blómstrandi tré.“

Hver er upp­á­haldsilm­ur­inn þinn?

„Upp­á­halds garðilm­ur­inn minn er af sír­en­um, rós­um og lavend­er.“

Upp­á­halds­hlaðvarp?

„Akkúrat núna er það Good Hang með Amy Poehler, elska að hlæja og ég hlæ oft upp­hátt að þætt­in­um.“

Upp­á­halds­sam­fé­lags­miðill?

„TikT­ok-al­gór­it­minn held­ur mér oft lengi en In­sta­gram á hjartað mitt.“

Er garður­inn ykk­ar til­bú­inn?

„Ég held að garður­inn verði aldrei al­veg til­bú­inn, hann held­ur von­andi áfram að þró­ast með okk­ur og vaxa og dafna. Við erum með tengi fyr­ir útisturtu en eig­um eft­ir að setja slíka upp. Ég væri líka til í útield­hús og runna með berj­um eða blóm­um. Við erum með ónýta runna úti við götu sem við stefn­um á að skipta út fyr­ir gljám­ispil og ég ætla að setja rifs fyr­ir fram­an pall­inn. Minn helsti draum­ur er kirsu­berja­tré eða álíka í risa­potta uppi á svöl­um þannig að ég geti horft beint út á blómstrandi tré úr stof­unni. Þá hætti ég kannski að syrgja gull­regnið.“

Tengd­ar frétt­ir

Garður­inn

„Ég kaupi plönt­ur sem laða að sér bý­flug­ur því ég er hrif­in af þeim“

• Minni rauðvíns­drykkja kall­ar á heilsu­sam­legri garð
• „Ég held við séum á rangri leið akkúrat núna“
• „Ef þú átt sval­ir get­ur þú byrjað að rækta“
• Heima­til­bún­ar þján­ing­ar

» Fleiri tengd­ar frétt­ir