Katrín Sig­ríður Júlíu Stein­gríms­dótt­ir er ung kona á upp­leið. Hún er í sál­fræðinámi í Há­skóla Íslands og í þriðja sæti á lista Viðreisn­ar í Reykja­vík. Árið 2019 festu hún og kær­asti henn­ar, Þórgnýr Ein­ar Al­berts­son, kaup á sinni fyrstu íbúð. Íbúðin er 50 fm að stærð og er mjög vel nýtt. 

Áður en Katrín og Þórgnýr fluttu inn þurfti að mála íbúðina, skipta um raf­magn­stöflu og gólfl­ista svo eitt­hvað sé nefnt. Hún seg­ir að það hafi verið mjög mik­il viðbrigði að flytja að heim­an. Til dæm­is að kló­sett­papp­ír kostaði pen­inga og svo kom henni mjög á óvart hvað allt verður skít­ugt strax. 

Katrín náði að safna fyr­ir út­borg­un í íbúð með því að fá að búa frítt í for­eldra­hús­um og svo eru þau Þórgnýr Veg­an og seg­ir Katrín að það fel­ist mik­ill sparnaður í því. 

Var ekki stórt skref að flytja að heim­an?

„Fyr­ir mitt leiti fannst mér þetta ekk­ert mál. Ég er búin að vera skilnaðarbarn síðan ég var sjö ára og búin að eiga fullt af mis­mun­andi heim­il­um. Kærast­inn minn var aft­ur á móti bú­inn að búa í sama húsi nán­ast alla tíð og því var þetta stærra mál fyr­ir hann,“ seg­ir Katrín. 

Tengd­ar frétt­ir

Heim­il­is­líf

Féllu fyr­ir húsi í niðurníðslu og gáfu því nýtt líf

• Voru ekki sam­mála um hvernig eld­húsið ætti að snúa
• Vin­kona Völu kem­ur reglu­lega í heim­sókn til þess að fara í bað
• Æsku­draum­ur­inn rætt­ist í bjálka­hús­inu
• Rut Kára setti svarta Vipp-eyju inn í mitt rými

» Fleiri tengd­ar frétt­ir

• Blogga um frétt