Líf Magneu­dótt­ir borg­ar­full­trúi Vinstri grænna er um­hverf­i­s­væn og nýt­in. Hún kaup­ir helst ekki nýja hluti og á heim­ili henn­ar og fjöl­skyld­unn­ar er að finna hluti með sögu. Líf er heilluð af fal­leg­um lista­verk­um og á heim­il­inu spila ljós­mynd­ir og lista­verk stórt hlut­verk. Í vor stefn­ir Líf á að leiða lista Vinstri grænna í kom­andi borg­ar­stjórn­ar­kosn­ing­um og seg­ir að lífið í borg­ar­stjórn sé líf­legt og skemmti­legt. 

Þegar Líf var lít­il flutti hún oft og seg­ir að það hafi mótað hana. Í dag vill hún hvergi ann­arsstaðar vera en í Vest­ur­bæn­um og kann að meta það sem hverfið hef­ur upp á að bjóða. 

Áður en Líf og maður henn­ar, Snorri Stef­áns­son, fundu þessa björtu og fal­legu íbúð bjuggu þau með þrjú börn í kjall­ara og þurftu meira pláss. Þau voru búin að leita að hent­ugra hús­næði í eitt og hálft ár þegar þessi skoðuðu þessa íbúð.

Í íbúðinni voru tvær stór­ar stof­ur en með því að fórna ann­arri þeirra und­ir eld­hús var hægt að breyta her­bergja­skip­an og fá þannig rýmið til að passa vel utan um fjöl­skyld­una. Stuttu eft­ir að þau fluttu inn varð Líf ólétt að fjórða barn­inu og seg­ist nú vera á hött­un­um eft­ir stærra hús­næði því börn­in séu að stækka og dæt­ur henn­ar þrái að eiga sér­her­bergi.

Íbúðin er 119 fm og þegar Líf er spurð að því hvernig þau fari að því að halda öllu í horf­inu seg­ir hún að þetta snú­ist allt um skipu­lag. 

„Mér finnst ég alltaf vera að taka til,“ seg­ir Líf og upp­lýs­ir að þau þrífi alltaf á sunnu­dög­um. Þá setja þau hlaðvarp eða hljóðbók í eyr­un og hefjast handa. 

Hún er kraft­mik­il og dug­leg og þegar hún er spurð að því hvað drífi hana áfram seg­ist hún vera meira með þá að hreinu hvað drífi hana ekki áfram. Og hvað skyldi það vera?

„Pen­ing­ar og völd drífa mig ekki áfram,“ seg­ir hún.

Tengd­ar frétt­ir

Heim­il­is­líf

Féllu fyr­ir húsi í niðurníðslu og gáfu því nýtt líf

• Voru ekki sam­mála um hvernig eld­húsið ætti að snúa
• Vin­kona Völu kem­ur reglu­lega í heim­sókn til þess að fara í bað
• Æsku­draum­ur­inn rætt­ist í bjálka­hús­inu
• Rut Kára setti svarta Vipp-eyju inn í mitt rými

» Fleiri tengd­ar frétt­ir

• Blogga um frétt