Bergur Þorri Benjamínsson viðskiptafræðingur býr ásamt eiginkonu sinni, Helgu Magnúsdóttur, í nýrri íbúð í Kópavogi. Þau voru í mörg ár að leita að hentugu húsnæði fyrir sig og börnin sín því hann lamaðist í slysi 1999 og hefur síðan þá verið í hjólstól. Helga glímir einnig við fötlun og þarf stundum að nota hjólastól. 

Það má segja að hjónin hafi dottið í lukkupottinn þegar þau fundu íbúð sína í Kópavogi því með íbúðinni fylgdu tvö stæði í bílakjallara sem er ekki sjálfgefið. Íbúðin er þannig hönnuð að hún passar þeim og þeirra þörfum vel.

„Við byrjuðum að horfa á Kópavog mjög snemma en við bjuggum áður í Hafnarfirði. Við áttum fínan tíma þar, en þessi tími í umferðinni var að ganga frá okkur. Þegar ég er búinn að skila fullum vinnudegi hafði ég ekki orku í að hanga í bíl í 30 til 40 mínútur,“ segir Bergur Þorri.

Það þurfti að gera nokkrar breytingar á íbúðinni svo hún myndi passa fyrir fjölskylduna. Eldhúsið var breikkað og skápar teknir undan helluborðinu svo aðgengi væri betra. 

Bergur Þorri segist ekki vera neitt fagurkeri því hans sýn á lífið sé að finna praktískar leiðir til að láta lífið ganga upp.

Bergur Þorri hefur verið formaður Sjálfsbjargar síðustu ár en í vikunni tók hann við starfi á Alþingi þar sem hann þjónustar Sjálfstæðisflokkinn. Auk þess býður hann sig fram í 2. sæti í prófkjöri Sjálfstæðisflokksins í Kópavogi. 

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

SMARTLAND 13 ÁRA

Fullkomið að byrja að elda kvöldmat strax um morguninn

• Áhyggjulaus og afslöppuð í sumarfríinu
• Funheitur gestalisti á nýjum stað við Hverfisgötu
• Langar í mann en vill ekki hanga á bar til að reyna að finna hann
• Emil og Ása Regins buðu í partí

» Fleiri tengdar fréttir

• Blogga um frétt