Sara Dögg Svan­hild­ar­dótt­ir odd­viti Viðreisn­ar í Garðabæ býr ásamt eig­in­konu sinni, Bylgju Hauks­dótt­ur, fiskút­flytj­anda í ein­stakri út­sýnis­íbúð í Garðabæn­um. Þær voru báðar frá­skild­ar þegar þær hnutu um hvor aðra og voru ekki á leið í annað sam­band. Það var Brynja Gunn­ars­dótt­ir út­far­ar­stjóri, bet­ur þekkt sem Brynja hans Bubba, sem kom þeim sam­an. Eft­ir að hafa borðað kvöld­verð sam­an var ekki aft­ur snúið. 

Sara Dögg og Bylgja höfðu rætt það sín á milli að þær ætluðu ekki að ganga í hjóna­band en einn góðan veður­dag árið 2009 kom Bylgja á óvart. Hún skipu­lagði brúðkaup frá a-ö án þess að upp­lýsa Söru Dögg um það. Þenn­an fal­lega dag hélt Sara Dögg að hún væri að fara í há­deg­is­verð með þáver­andi sjáv­ar­út­vegs­ráðherra en endaði dag­inn sem gift kona. 

Sara Dögg var á þess­um tíma skóla­stjóri hjá Hjalla­stefn­unni og mætti í vinn­una hvern dag í rauðu flísvesti. Bylgja hafði beðið hana að klæða sig upp á fyrst þær væru að fara í þenn­an fína há­deg­is­verð. Ann­ars hefði hún gengið upp að alt­ar­inu í rauða Hjalla­stefnu­vest­inu. 

Áður en Sara Dögg og Bylgja fluttu í út­sýnis­íbúðina í Urriðaholti bjuggu þær í stóru ein­býl­is­húsi í Garðabæ. Þær eru barna­laus­ar og langaði að breyta til. Langaði til að búa minna og ferðast meira. Þegar þær komu inn í þessa íbúð var ekki aft­ur snúið. 

Tengd­ar frétt­ir

Heim­il­is­líf

Halla Bára opn­ar heim­ili sitt

• Féllu fyr­ir húsi í niðurníðslu og gáfu því nýtt líf
• Voru ekki sam­mála um hvernig eld­húsið ætti að snúa
• Vin­kona Völu kem­ur reglu­lega í heim­sókn til þess að fara í bað
• Æsku­draum­ur­inn rætt­ist í bjálka­hús­inu

» Fleiri tengd­ar frétt­ir

• Blogga um frétt