Kol­brún Ró­berts­dótt­ir mynd­list­armaður, heil­su­markþjálfi, tarot­les­ari og jóga­kenn­ari flutti til Íslands þegar veir­an skall á. Þá hafði hún búið á Spáni í tíu ár og rekið þar jóga­stúd­íó. Úr varð að hún keypti íbúð með dætr­um sín­um á Suður­nesj­um sem þær gerðu upp í sam­ein­ingu. Nú búa þær í ann­arri íbúð í Hafnar­f­irði sem þær gerðu upp sam­an.

„Við dæt­urn­ar ákváðum að kaupa sam­an eign og gerðum hana upp,“ seg­ir Kol­brún sem er mjög hand­lag­in en hún mál­ar allt sjálf og smíðar inni­h­urðar og kerta­ar­inn svo eitt­hvað sé nefnt.

Kol­brún rak versl­un­ina Augna­kon­fekt og er mikið af inn­bú­inu úr þeirri versl­un. Þegar hún er spurð að því hvort þær mæðgur séu sam­mála um heim­il­is­stíl­inn er hún fljót að svara. 

„Ég er smá að svína yfir þær. Þær eiga einn og einn hlut,“ seg­ir hún og hlær. 

Íbúðin er akríl­spörsluð að inn­an en það gerði Kol­brún sjálf ásamt því að steypa borðplöt­urn­ar í eld­hús­inu. Hún er vön að bjarga sér og seg­ir að hún hafi þurfti að finna út úr hlut­un­um þar sem hún lá ekki á digr­um sjóðum þegar hún flutti til Íslands. Auk þess að gera upp íbúðir mál­ar hún mynd­ir en um þess­ar mund­ir sýn­ir hún verk sín í Energia í Smáralind. 

Tengd­ar frétt­ir

Heim­il­is­líf

Halla Bára opn­ar heim­ili sitt

• Féllu fyr­ir húsi í niðurníðslu og gáfu því nýtt líf
• Voru ekki sam­mála um hvernig eld­húsið ætti að snúa
• Vin­kona Völu kem­ur reglu­lega í heim­sókn til þess að fara í bað
• Æsku­draum­ur­inn rætt­ist í bjálka­hús­inu

» Fleiri tengd­ar frétt­ir

• Blogga um frétt