Einar Kárason rithöfundur býr ásamt eiginkonu sinni, Hildi Baldursdóttur, í notalegri íbúð í Hlíðunum. Þau fluttu í íbúðina fyrir tæplega 26 árum ásamt dætrum sínum sem eru fjórar talsins.

„Við bjuggum miklu fleiri hérna fyrst. Við vorum með pláss í kjallaranum. Þar sem dætur okkar voru. Nú erum við bara þrjú eftir, við hjónin og kisa. Hún er númer eitt í íbúðinni,“ segir Einar og það leynir sér ekki að honum er hlýtt til kattarins. 

Heimili Einars og Hildar er ekki bara heimili heldur líka vinnustaður. Vinna Einars fer fram á heimilinu á leyndardómsfullum stað sem hann vill alls ekki sýna í þættinum. 

„Ég get ekki sýnt ruslakompur á heimilinu,“ segir hann og hlær. 

Opið haf var einmitt skrifuð í ruslakompunni sem ekki er til sýnis hér. Þar skrifar Einar um mannraun mikla þegar fiskibátur hvolfir við Vestmannaeyjar. Sá sem kemst lífs af nær að synda í land í vetrarmyrkri og kulda. 

Þegar Einar er spurður að því hvort þau Hildur séu mikið að breyta segir hann svo ekki vera. Hér sé hver hlutur á sínum stað. 

„Við breytum aldrei neinu,“ segir hann. 

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

Bókaland

„Geir var mjög ánægður og tók þessu með þökkum“

• Beta Reynis: Með galopið hjarta
• Glæpasögur mega vera bleikar
• Sjónvarpsþáttaröð byggð á verðlaunabók í bígerð
• Gleðin við völd í útgáfuteiti Bjarna

» Fleiri tengdar fréttir

• Blogga um frétt