Leikstjórinn Una Þorleifsdóttir er gestur Heimilislífs þessa vikuna. Hún býr ásamt manni sínum, Einari Þór Karlssyni, og fimm börnum þeirra í sögulegu einbýlishúsi í Kópavogi. 

„Amma mín og afi byggðu þetta hús. Þau fluttu inn í það 1954,“ segir Una og segir frá því að móðir hennar hafi verið alin upp í húsinu. Svo eignuðust foreldrar hennar húsið og þar bjó Una þegar hún var að alast upp. Það var svo 2019 sem Una og Einar keyptu húsið en þá höfðu þau verið að leita að húsnæði sem myndi rúma þau tvö og börnin þeirra fimm.

Þegar Una er spurð að því hvort það hafi verið gamall draumur að eignast húsið segir hún svo ekki vera. Þetta hafi eiginlega gerst óvart. 

„Ég og maðurinn minn ákváðum að fara að búa saman en við erum sjö,“ segir hún en á sama tíma vildu foreldra hennar minnka við sig. Úr varð að Una og Einar festu kaup á húsinu og komu sér upp fallegu heimili.

Una er leikstjóri verksins Síðustu dagar Sæunnar sem sýnt er í Borgarleikhúsinu. Þar fer Guðrún Gísladóttir með hlutverk Sæunnar en verkið er eftir Matthías Tryggva Haraldsson, sem margir tengja við hljómsveitina Hatara. Þegar Una er spurð að því hvernig hafi verið að vinna með dauðann segir hún að það fái fólk til að hugsa. Hennar sýn á þetta var að vera í lífinu eins og það er. Eins og sjá má í Heimilislífi gengur það býsna vel! 

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

• Blogga um frétt