Halla Bára Gests­dótt­ir inn­an­húss­hönnuður býr ásamt eig­in­manni sín­um, Gunn­ari Sverris­syni ljós­mynd­ara, og dætr­um sín­um tveim­ur í fal­legu húsi í miðbæ Reykja­vík­ur. Í þætt­in­um Heim­il­is­lífi ræðir Halla Bára um heim­ilið, upp­röðun á hús­gögn­um, litap­all­ettu og hina óbæri­legu löng­un í að breyta, bæta og laga. Hjón­in rit­stýra tíma­rit­inu Lif­un sem end­ur­vakið var á dög­un­um og svo held­ur Halla Bára vin­sæl nám­skeið í inn­an­húss­hönn­un ásamt Davíð Georg Gunn­ars­syni arki­tekt. 

Húsið var reist 1928 og fyr­ir tíu árum fékk Halla Bára það verk­efni að gera húsið upp ásamt vin­konu hjón­anna. Á þeim tíma lá ekki ljóst fyr­ir að þau myndu sjálf búa í hús­inu en stund­um tek­ur lífið óvænta stefnu. Húsið er á þrem­ur hæðum og hef­ur að geyma loftlista, gólfl­ista, ró­sett­ur og alla þá feg­urð sem ein­kenn­ir bygg­inga­tíma húss­ins. Halla Bára hef­ur þó fært húsið í nú­tíma­leg­an bún­ing með hönn­un sinni. Það vek­ur at­hygli hvernig stof­ur og borðstofa eru máluð í fal­leg­um ljós­blá­um lit sem er svo­lítið sænsk­ur.

Finnst þér hönn­un­in á hús­inu hafa elst vel?

„Já, mér finnst það. Þegar þetta er svona gam­alt þá vill maður halda í þessi smá­atriði og það sem ein­kenn­ir þetta hús. Það eru ekki til mörg svona hús á Íslandi, sem eru með svona mikl­um dítel­um,“ seg­ir Halla Bára. 

Hún seg­ir að þau Gunn­ar hafi málað húsið nokkr­um sinn­um að inn­an síðan þau tóku við því. Þessi ljós­blái lit­ur sem flæðir hér yfir stof­ur. Hann er kon­ung­leg­ur. 

„Þetta er svo­lítið sænskt. Gusta­vi­an-stíll. Mér finnst þessi ljós­blái lit­ur klæða húsið mjög vel. Hann er fal­leg­ur við alla aðra liti,“ seg­ir Halla Bára sem er mik­ill raðari í sér og þarf stöðugt að breyta, bæta og færa til hluti. Hún tal­ar um sam­hljóm­inn í því að láta hluti kall­ast á og bend­ir á að það þurfi ekki allt að vera full­komið og bend­ir á tvö PH-ljós sem hanga yfir borðstofu­borðinu en þau eru í sitt­hvorri litap­all­ett­unni. 

„Mér finnst gam­an þegar það er sam­hljóm­ur en hann þarf ekki að vera full­kom­inn. Það lýs­ir okk­ar stíl,“ seg­ir Halla Bára. 

Ég spyr Höllu Báru út í mun­inn á að safna fal­leg­um hús­gögn­um sem má færa til enda­laust eða það að verja pen­ing­um í sér­smíðaðar inn­rétt­ing­ar.

„Það get­ur al­veg hentað sum­um, en þá veistu að þú ert ekki að fara að breyta. Þá er þetta bara sniðið inn í ákveðið rými. Þá er ekki hægt að færa neitt til. Það eru held­ur ekki all­ir sem þurfa alltaf að vera að færa allt til. Þeir eru ekk­ert fyr­ir það. Þá er þetta ekk­ert mál. En eins og fyr­ir mig og eitt­hvað svona þá myndi það aldrei fun­kera. Ég yrði orðin al­veg viðþols­laus. Ég verð að fá að hliðra til og prófa. Ég hef gam­an að og mik­inn áhuga á skipu­lagi og upp­röðun. Það er í raun­inni gjör­breyta rými. Það er eitt­hvað sem fólk ætti að prófa miklu meira,“ seg­ir hún. 

Frétt af mbl.is

„Það er sagt að lit­ir séu það fyrsta sem maður tek­ur eft­ir á hlut eða rými“

Tengd­ar frétt­ir

Heim­ili

Seldu pent­hou­se-íbúðina á him­in­háu verði

• Ein­býl­is­hús á Seltjarn­ar­nesi selt á 305 millj­ón­ir
• Raðhús í Foss­vogi fyr­ir fram­kvæmdaglaða
• Unn­ur Birna og Pét­ur keyptu glæsi­hús í Garðabæ
• Bryn­hild­ur og Matth­ías Tryggvi selja Kópa­vogs­slotið

» Fleiri tengd­ar frétt­ir

Heim­il­is­líf

Féllu fyr­ir húsi í niðurníðslu og gáfu því nýtt líf

• Voru ekki sam­mála um hvernig eld­húsið ætti að snúa
• Vin­kona Völu kem­ur reglu­lega í heim­sókn til þess að fara í bað
• Æsku­draum­ur­inn rætt­ist í bjálka­hús­inu
• Rut Kára setti svarta Vipp-eyju inn í mitt rými

» Fleiri tengd­ar frétt­ir

• Blogga um frétt