Smartland Mörtu Maríu | Jól | mbl | 14.12.2024 | 13:00

Jólagjafir fyrir góðærisgrísi og fagurkera

Það eru nokkrir hlutir sem munu trylla fagurkerann í þínu lífi.

Fagurkerinn vill fá eitthvað óborganlegt í jólagjöf. Eitthvað sem lyftir hans glitrandi tilveru upp á næsta stig og jafnvel þar næsta.

Flowerpot-lampinn í stáli er nokkuð sem erfitt er að standast. Stálið er að koma aftur og því alveg ómögulegt fyrir þá sem vilja alltaf vera flottastir að eiga ekki slíkan grip. Hann fæst í Epal og kostar 41.900 kr.

Þetta krómaða glerborð var hannað 1927 og hefur síðan þá þótt ansi svalt. Það var hannað af Eileen Gray og kostar 189.000 kr. í Casa.

Cyrnos Grande-ilmkertið er fyrir alla sem hafa smekk fyrir flottheitum. Það er þrjú kíló að þyngd og endist í 300 klukkustundir. Það fæst í Officina og kostar 84.990 kr.

Það er endalaust notagildi í pottunum frá Le Creuset. Hvíti liturinn með gylltum hnúð er einstaklega fallegur og passar vel inn í flest tískueldhús landsins. Hann fæst í Líf og list og kostar 66.990 kr.

Dásamlegur silkiflauelspúði sem sómir sér vel í stofu eða svefnherbergi. Fæst í Seimei og kostar 28.400 kr.

Frumlegur blómavasi sem vilja eitthvað öðruvísi. Hann er frá Ferm Living, fæst í Epal og kostar 14.950 kr.

Hringlaga spegill með hillu eftir Önyu Sebton og Evu Lilju Löwenhielm sem var hannaður árið 2016. Hann fæst í Vest og kostar 148.560 kr.

Bókin CBK: Carolyn Bessette Kenndy: A Life in Fashion er fyrir fagurkera sem hafa gaman af tímalausum stíl. Fæst í Officina og kostar 9.990 kr.

Fyrir þá sem vilja gera einstaklega vel við sína þá er Knitting Chair eftir Ib-Kofod Larsen framtíðareign. Fæst í Epal og kostar 598.000 kr.

Þeir sem eiga allt eiga þó ólíklega þetta taflborð úr marmara. Það fæst í Vest og kostar 80.000 kr.

LAVA-vasinn frá Fólk Reykjavík er fallegur með blómum en líka einn og sér. Hann kostar 49.900 kr.

Verkið Afsakið sjósundið eftir Sísí Ingólfsdóttur fæst í Listvali og kostar 85.000 kr.

Brauðristin frá Smeg sómir sér vel innan um aðrar hönnunarvörur. Fæst í Eirvík og kostar 28.990 kr.

Handsápa frá Aésop sem inniheldur olíur úr appelsínu og rósmarín. Þurrkar ekki hendurnar sem er lúxus! Fæst í Mikado og kostar 6.890 kr.

Það þarf að fylgja handáburður með handsápum og þessi frá Aésop veitir höndum og nöglum langvarandi raka. Fæst í Mikado og kostar 16.290 kr.

Handmálaður postulínsbolli frá Royal Copenhagen fyrir þá allra vandlátustu. Fæst í Líf og list og kostar 14.850 kr.

Tense-ljósið frá New Works er hlýlegt og stílhreint. Fagurkerar elska þetta ljós. Það kostar frá 94.900 og kemur í nokkrum mismunandi stærðum. Það fæst í Módern.