Rit­höf­und­ur­inn Sunna Dís Más­dótt­ir seg­ir frá nýj­ustu bók sinni Kul. Hún fjall­ar um Unu sem ramb­ar á barmi kuln­un­ar og er send vest­ur á firði í ný­stofnað meðferðarúr­ræði, Kul. Þar dvel­ur lít­ill hóp­ur fólks í þorpi við sjáv­ar­síðuna í svart­asta skamm­deg­inu og glím­ir við það sem Há­kon, forsprakki Kuls, seg­ir mik­il­væg­ast: að horf­ast í augu við myrkrið innra með sér. Fyr­ir vest­an fer fortíðin að sækja á Unu, minn­ing­ar frá æsku­ár­un­um í litlu kjall­ara­í­búðinni með mömmu og Magga bróður.

Þegar hrikta fer í stoðum meðferðar­inn­ar, og ekki síður sjálfs­mynd­ar Unu, tek­ur allt það sem hef­ur frosið fast innra með henni að losna úr læðingi og veru­leik­inn fer á flot.
Kul er fyrsta skáld­saga Sunnu Dís­ar Más­dótt­ur en áður hef­ur hún sent frá sér ljóðabók­ina Plóm­ur sem var til­nefnd til Maí­stjörn­unn­ar. Sunna er jafn­framt ein Svika­skálda sem gefið hafa út fjór­ar ljóðabæk­ur og skáld­sög­una Olíu sem var til­nefnd til Íslensku bók­mennta­verðlaun­anna. Hún starfar enn­frem­ur sem þýðandi, leiðbein­andi í rit­list og bók­mennta­gagn­rýn­andi.

„Una er túpísk nú­tíma­kona en það hef­ur gengið á ýmsu,“ seg­ir Sunna um Kul og ját­ar að hún sjálf hafi kom­ist nærri kuln­un. 

„Það var kom­in bruna­lykt af mér,“ seg­ir hún. 

Tengd­ar frétt­ir

Bóka­land

Aníta, Eva Björg, Berg­lind og El­iza skemmtu sér

• „Ég þekki það að vera þekkt sem kona ein­hvers“
• Hverj­ar eru bestu hljóðbæk­ur árs­ins?
• Barna­bók árs­ins er æv­in­týra­lega skemmti­leg
• „Hann á hrós skilið fyr­ir að kasta sér út í þetta“

» Fleiri tengd­ar frétt­ir

• Blogga um frétt