Pistlar:

21. október 2016 kl. 16:15

Valentína Björnsdóttir (valentina.blog.is)

Graskessúpa

14708252_10154673717887940_7082758075871787735_n

Þetta er svona hálf tilviljunarkennd súpuuppskrift, eins og oft áður á þessum árstíma þegar graskerin flæða um allar grænmetisdeildir hefur mig oft langað til að föndra úr þeim eitthvað Halloveengerpi og setja kerti í og hafa kósí á útidyratröppunum. En þetta tímabil gengur frekar hratt yfir og hugmyndin verður alltaf grafin og gleymd, eiginlega samstundis.

Í búðinni í morgun var kona á undan mér á kassanum að að kaupa 6 grasker og það kveikti í mér löngun í að búa til súpu úr graskeri, enda veðrið algerlega til þess fallið að elda heita og nærandi súpu. Þar sem ég er stöðugt með mat á heilanum, stóðst ég ekki freistinguna og hljóp til baka á graskesfjallið og náði mér í eitt stykki.

Þegar heim var komið hófst ég handa við súpugerðina, bara svo ég segi ykkur alveg satt þá er frekar leiðinlegt að skrera þetta flykki. En það hafðist og tilviljun réði því hvaða hráefni fékk að fljóta með, þetta var einfaldlega það sem ég átti til heima, en eins og með allar góðar súpur eru töfrarnir oftast fólgnir í því að nota sköpunargleðina og skálda úr því sem til er.

Svo hafa skal það sem hendi er næst og fást ekki um það sem ekki fæst !

Graskerssúpa vegan fyrir 4-6

Olia 1,5 kg grasker skorið í bita

2 rauðlaukar

5 hvítlauksrif

½ paprika

100 gr sellery

1 msk cumin fræ

½ sæt kartafla

1 ltr vatn

2 msk grænmetiskraftur

50 gr engifer

1 tsk turmerik

1 ds kókosmjólk

Chilli eftir smekk

2 lime lauf (má sleppa)

Safi úr 2 lime

1 bolli ferskt koríander saxað

Salt og pipar eftir smekk

Skerið grasker, rauðlauk, papriku og sellery í bita. Setjið allt í ofnskúffu ásamt hvítlauknum. Dassið yfir olíu og cummenfræjum. Bakið í ofn í við 180° í 40 mínútur.

Setjið vatn grænmetiskraft, kókosmjólk í pott og hitið saman.

Þegar grænmetið er bakað er það sett út í pottinn ásamt chilli, limelaufi, engifer, kóríander og túrmerik.

Síðan er allt maukað saman með töfrasprota eða í blender.Hellið aftur í pottinn látið suðuna koma upp og smakkið til með salt oog pipar.

mynd
22. nóvember 2015 kl. 21:46

Jólahjal og Hnetubuff

það kveikti í jólabarninu í mér Þegar ég fletti jólablaði moggans um daginn girnilegar jólauppskriftir og hitt og þetta jóladúll glöddu hjarta mitt.Svo núna sé ég aðventuna í hyllingum langir dimmir desemberdagar verða uppspretta sælu stunda við kertljós og huggulegheit. Gott ef ég verð ekki bara búin að öllu. Á sunnudögum verður kveikt á kerti í aðventukransinum, heimilið orðið skínandi hreint og meira
mynd
1. júlí 2015 kl. 14:39

Grillað sumarsalat

Eitt af því sem ég elska að gera á sumrin er að rúnta um sveitina mína og ná mér í gott grænmeti frá grænmetisbændum sem selja beint frá býli. Um daginn fór ég á Engi í Laugarási. Þau eru með lífræna ræktun og rækta besta eggaldin sem ég hef fengið ásamt kúrbít og öllu hinu góðgætinu sem þau bjóða uppá.Sem betur fer er líka hægt að kaupa vörurnar þeirra hér í bænum. Eftir síðustu heimsókn á Engi meira
4. janúar 2015 kl. 19:55

Kalt bað

Það er sunnudagur og lufsulegt jólatréð minnir mig á að nú þyrfti að gera skurk í að pakka niður jólunum og hleypa inn nýja árinu með alla sínar vonir og væntingar. Þegar ég lít aðeins inn á við og spyr sjálfa mig hvað mig langi mest að gera í dag leitar hugurinn í Vesturbæjarlaugina eins og svo oft áður. Þar er allt best og ennþá betra eftir að ískaldi potturinn kom. Brrrr það er ekki alveg innan meira
2. janúar 2014 kl. 14:30

Verður 2014 þitt besta ár ?

Hvað getum við gert til að gera 2014 að okkar besta ári? Ó nei byrjar þetta, gæti eitthvað innra með okkur tuldrað. Hver kannast ekki við að eiga þessa samræðu við sjálfan sig. Að langa til að taka sig á og gera betur á einhverjum sviðum. Það er þetta með mataræðið og ræktina, sem betur fer er eins og það sé innbyggt í flest okkar að vilja vera heilbrigð og hraust. Stundum er það bara smá spurning meira
2. desember 2013 kl. 19:54

Verum góð.

Nú er það myrkrið sem umlykur litlu eyjuna okkar hér í norðrinu. Það fylgir því einhver von að hugsa til þess að eftir nokkrar vikur byrjar daginn að lengja á ný. Í dag er þessi tími árs mér kærkominn, en hann var það ekki alltaf.  Ég lét allt þetta jólaglingur og vesen fara í taugarnar á mér og sá ekki tilganginn með þessu. Mig langaði mest að komast sem lengst frá þessu öllu saman kulda meira
mynd
7. ágúst 2013 kl. 11:00

Ástin sigrar allt

Ég eins og svo margir aðrir er rosa spennt fyrir því að ná af mér nokkrum aukakílóum, ekki það að ég ætli í eitthvað opinbert átak. Þetta er meira bara svona gömul lumma sem hefur fylgt mér lengi en merkilegt nokk þá hafa aukakílóin frekar valið að fjölga sér heldur en að yfirgefa mig. En þar sem frúin er langt komin á fimmtugsaldurinn og langar óskaplega til að viðhalda æskublómanum sem lengst meira
mynd
25. janúar 2013 kl. 15:52

Linsubaunir

Það er allt sem mælir með því að borða linsur, þessa frábæru næringu úr jurtaríkinu. Linsur er auðvelt að matreiða  og þær þarf ekki að leggja í bleyti. Hér á landi er hægt að fá nokkrar tegundir af linsum. Rauðar linsur sem eru reyndar appelsínugular, þær henta mjög vel í súpur og Indverskt dhal, því þær maukast við suðu. Grænar linsur, sem halda sér betur í suðu,  en maukast ef þær eru meira
mynd
17. október 2011 kl. 22:21

TomYum súpa

Það er síðdegi. Ég sit í bílnum og bíð eftir grænu ljósi á Sæbrautinni. Hann er kuldalegur að sjá Esjan hefur sveipað um sig blúndusjali og Faxaflóinn er hvítfryssandi. Það er norðanátt og haustsólin er lágt á lofti, langir skuggar og fjúk. Hlakka til að komast heim í hlýjuna hugsandi um mat eins og alltaf, enda með mat á heilanum. Súpa, já súpa! Heit og góð það er það sem mig langar mest í meira
mynd
17. júlí 2011 kl. 0:33

Minningar í tebolla

Það er hásumar og náttúran skartar sínu fegursta, þetta er svona ekta sumardagur himininn svo undursamlega blár,skýjabólstranir búttaðir og skjannahvítir, sólin skín og breiðir geisla sína yfir veröldina sem getur ekki annað en sett upp glaða svipinn. Svona dásemdardagar fá mann til að halda að dýrðin vari að eilífu, friður ró og fegurð eru einkunarorð töframáttar íslenskrar náttúru þessi dýrmætu meira
mynd
15. júní 2011 kl. 8:33

Mynta fyrir alla.

Eitt sumarð gróðursetti nágranni minn litla myntu útí garði, svona rétt til að eiga alltaf myntu í mojitoið sitt. Hann hefur örugglega ekki reiknað með að nú nokkrum árum seinna gæti hann reddað myntu í mojito fyrir alla í götunni. Myntan er svo lífsglöð og dugleg planta og dreifir vel úr sér ef hún fær næði til þess. Hún er með því fyrsta sem skýtur upp kollinum i garðinum á vorin þ.e.a.s af því meira
mynd
8. júní 2011 kl. 22:19

Rabarbara chutney

 Í norðan nepjunni um daginn ákvað ég að vingast við vorið og rölti mér niður í matjurtagarðinn minn. Þar tók rabarbarinn á móti mér svona líka bústinn og búsældarlegur. Hann kippir sér greinilega ekkert upp við kuldatíð, sjálfsagt öllu vanur á okkar harðbýla landi. Graslaukurinn var líka orðin mynadarlegur enda hefur hann skjól af vini sínum rabarbaranum. Aðrir íbúar garðsins eins og t.d meira
mynd
4. maí 2011 kl. 21:38

Það er eitthvað notalegt við möndlur.

Einn lítill möndlupoki lætur ekki mikið yfir sér, þar sem hann kúrir bakvið haframjölið í eldhússkápnum.Ég veit ekki hvaða ár möndlurnar komu til landsins, en þær virðast hafa fylgt okkur alla tíð.Ég efa að langömmur okkar hafi vitað að þær væru að mylja ofurfæði framtíðarinnar yfir gyðingakökurnar hérna forðum.Möndlurnar koma víða við sögu í matargerðinni eins og t.d möndlusteiktur silungur,hin meira
Valentína Björnsdóttir

Valentína Björnsdóttir

Áhugamanneskja um lífsins lystisemdir og heilsusamlegt líferni. Framkvæmdarstjóri Móður Náttúru sem framleiðir grænmetisfæði fyrir stóreldhús og á neytendamarkað.

Meira

Nýjustu pistlar

» Fleiri pistlar
» RSS Straumur