Það var líf og fjör í Rammagerðinni í gær þegar hönnunarfyrirtækið FÓLK Reykjavík opnaði sýninguna Norður Norður. 

Viðfangsefni Norður Norður er að velta upp spurningunni hvað skilgreinir íslenska hönnun á nytjahlutum. Íslensk hönnun byggist, ólíkt nágrannaþjóðunum í Skandinavíu, ekki á aldagamalli arfleifð eða hefð, heldur tilraunum og nýsköpun þar sem sköpunarkraftinum eru engin takmörk sett. Í því samhengi er áhugavert að velta fyrir sér hvort umhverfið og lífsstíllinn í norðri hafi áhrif þar á.

Á sýningunni eru allar vörur hönnunarmerkisins FÓLK Reykjavík til sýnis, hannaðar af þremur íslenskum hönnuðum, þeim Jóni Helga Hólmgeirssyni sem hlaut hönnunarverðlaun ársins árið 2019 sem yfirhönnuður Genki Instruments, Ólínu Rögnudóttur og Theódóru Alfreðsdóttur sem tilnefnd var til norrænu Formex-hönnunarverðlaunanna árið 2019.

Eins og sjá má var afar góð stemning í Rammagerðinni.