Fót­bolta­hjón­in Ása María Reg­ins­dótt­ir og Emil Hall­freðsson buðu í teiti á veit­ingastað sín­um Olifa La Madre Pizza á Suður­lands­braut á dög­un­um. Hjón­in hafa búið á Ítal­íu í 15 ár og hafa mikla ástríðu fyr­ir ít­alskri mat­ar­gerð. Mat­ar­ferðalagið hófst í eld­hús­inu hjá þeim á Ítal­íu þegar þau stofnuðu fyr­ir­tækið Olifa sem sér­hæf­ir sig í upp­runa­vottuðum jóm­frúarol­í­um und­ir sama merki. Nú hef­ur þetta ferðalag borið nýj­an ávöxt í Pala pizz­un­um á Olifa La Madre pizza og því var slegið til veislu. 

Pala pizz­ur eru fer­hyrnd­ar og bún­ar til úr sér­stöku degi sem er búið til úr þrem­ur teg­und­um af „Biga“ hveiti. Hvei­ti­teg­und­irn­ar þrjár inni­halda mis­mikið prótein­magn og með því að blanda þeim sam­an verður til sér­stakt og af­ger­andi bragð og áferð. Eft­ir blönd­un er deigið látið hef­ast í 24 klukku­stund­ir. „Biga“ deigið er mun rak­ara en hefðbundið Na­polet­ana pizza­deig og það er bakað leng­ur við lægra hita­stig. Aðal­sér­kenni Biga deigs­ins er brak­andi og stökkt ytra lag, mjúk­ur og safa­rík­ur kjarni og ein­stak­ur létt­leiki.

Pala pizzurn­ar runnu ljúf­lega niður í boðinu eins og sést á mynd­un­um.