Á dögunum fagnaði hekldrottningin Elsa Harðardóttir útgáfu sinnar fyrstu bókar, Hekla, í bókabúð Sölku við Hverfisgötu. Margt var um manninn í útgáfuboðinu eins og sjá má á meðfylgjandi myndum.

Í bókinni er að finna ævintýralegar og fallegar uppskriftir að hekluðum leikföngum fyrir yngstu kynslóðina; hringlur fyrir smákrílin, svani, einhyrninga, blómálfa, jólakúlur og margt fleira. Uppskriftirnar henta bæði byrjendum og lengra komnum.

Elsa Harðardóttir er forfallinn heklari og uppskriftir eftir hana hafa meðal annars birst í erlendum handavinnutímaritum. Hún þróaði uppskriftirnar og hugmyndirnar í bókinni í samstarfi við dóttur sína, Lísbeti Hönnuh.