Rithöfundurinn Joachim B. Schmidt fagnaði útgáfu spennusögu sinnar Kalmann og fjallið sem svaf. Útgáfuhófið var haldið í verslun Pennans Eymundsson í Austurstræti síðastliðinn fimmtudag, en þangað mættu unnendur glæpasagna ásamt Einari Kárasyni. 

Bókin er framhald verðlaunabókarinnar Kalmann sem kom Raufarhöfn á heimskortið og hefur verið þýdd á fjölda tungumála. Bókin komst á metsölulista Der Spiegel, hlaut Crime Cologne-glæpasagnaverðlaunin og var einnig tilnefnd til Specsavers-verðlaunanna sem besta frumraunin og Petrona-verðlaunanna sem besta þýdda norræna glæpasagan. 

Schmidt er fæddur og uppalinn í Sviss en fluttist til Íslands árið 2007 og er núna búsettur í Reykjavík ásamt eiginkonu sinni og tveimur börnum.