HÚÐIN skin clinic og LPG Reykjavík buðu til veislu á dögunum til þess að fagna því að stofurnar væru fluttar í Skipholt 50b. Arnar Gauti Sverrisson lét sig ekki vanta í boðið en hann sá um hönnun stofunnar. Lagt var upp með að reyna að endurnýta í stað þess að kaupa allt nýtt inn. 

Heilsukokkurinn Kristjana Steingrímsdóttir, Jana, töfraði fram girnilegar veitingar og boðið var upp á áfengislaust freyðivín. Í boðinu voru sýndar vinsælar húðmeðferðir eins og hvernig fylliefnum er komið fyrir með holnál undir húð, dermapen örnálameðferð, LPG andlits- og líkamsmeðferð, Jan Marini ávaxasýrur og Cinderella húðþétting.

Eins og í öllum betri boðum var happdrætti en eins og sjá má á myndunum var góð stemning.