Það var góð stemn­ing í ís­lenska sendi­ráðinu í Kaup­manna­höfn þegar sýn­ing­arn­ar Pítsa­stund, Hæ/​Hi og Snún­ing­ur opnuðu en þær eru hluti af dönsku hönn­un­ar­hátíðinni 3daysofdesign sem nú stend­ur yfir borg­inni. 

Árni Þór Sig­urðsson sendi­herra Íslands í Kaup­manna­höfn ávarpaði gesti við opn­un sýn­ing­ar­inn­ar og það gerði líka Halla Helga­dótt­ir fram­kvæmda­stjóri Miðstöðvar hönn­un­ar og arki­tekt­úrs. 

Í and­dyri sendi­ráðsins er þriðja sýn­ing Hæ/​Hi: Design­ing Friends­hip- hóps­ins sem er sam­vinnu­verk­efni hönnuða og hönn­un­art­eyma frá Íslandi og Seattle. Að þessu sinni taka þau fyr­ir þá hluti og at­hafn­ir sem tengj­ast heim­komu og brott­för, mót­töku og kveðju­stund und­ir yf­ir­skrift­inni Welcome. Sýn­ing­in var fyrst sýnd á Hönn­un­ar­Mars 2024. 

Am­anda Ringstad, Fin, fruitsuper, Gabriel Strom­berg, Hann Eli­as, Studio Hanna Dis Whitehead, Hug­detta, John Hog­an, Jón Helgi Hólm­geirs­son, Seisei Studio, Sidona Bra­dley, Theo­dóra Al­freðsdótt­ir, Þór­unn Árna­dótt­ir, Weird Pickle og Seisei Studio eru öll með verk á sýn­ing­unni. 

Fyr­ir utan sendi­ráðið eru svo Flétta, Birta Rós Brynj­ólfs­dótt­ir og Hrefna Sig­urðardótt­ir og Ýrúrarí, Ýr Jó­hanns­dótt­ir bún­ar að koma upp píts­astað þar sem boðið er upp á verðlaunapítsur úr af­gangsull á sýn­ing­unni Pítsa­stund. 

Verk­efnið, sem var valið verk árs­ins á Hönn­un­ar­verðlaun­um Íslands í fyrra, varp­ar með aðferðum hönn­un­ar ljósi á nýt­ingu af­gangsaf­urða og verðmæti þeirra með skemmti­leg­um hætti. Hönnuðir þæfa ullarpítsur úr af­göng­um frá ís­lensk­um ull­ariðnaði og selja viðskipta­vin­um eins og um venju­leg­ar pítsur væri að ræða. Sviðsmynd verks­ins er byggð í kring­um nálaþæf­ing­ar­vél í hlut­verki pítsu­ofns og leik­gleðin er alls­ráðandi. Röð myndaðist í pítsurn­ar og ljós að Dan­ir eru sólgn­ir í ís­lensk­ar ullarpítsur, líkt og Íslend­ing­ar. 

Einnig er til sýn­is verk­efnið Snún­ing­ur eft­ir Fléttu í sam­starfi við Icelanda­ir þar sem hönnuðirn­ir nýta rík­an heim efniviðar úr ein­kenn­is­fatnaði flug­fé­lags­ins sem hef­ur nú lokið hlut­verki sínu. Þetta er allt frá hnöpp­um og hött­um, píf­um og sylgj­um til klúta og kraga, og taka skap­andi snún­ing á spurn­ing­unni. Get­ur ein­kenn­is­fatnaður orðið að tösku?