Þorkell Gunnar Sigurbjörnsson íþróttafréttamaður og sagnfræðingur fagnaði útkomu bókar sinnar Með harðfisk og hangikjöt að heiman.

Bókin fjallar um undirbúning og þátttöku Íslands á Sumarólympíuleikunum í London árið 1948. Bókin er gefin út af Sögufélagi og ritstjóri var Rósa Magnúsdóttir prófessor í sagnfræði við Háskóla Íslands. 

Útgáfuhófið var haldið af Sögufélagi í Gunnarshúsi, húsi Rithöfundasambands Íslands á Dyngjuvegi á dögunum og var ekki þverfótað fyrir þekktu fólki í boðinu. Þar var til dæmis Guðni Th. Jóhannesson fyrrverandi forseti Íslands, Margrét Sigfúsdóttir fyrrverandi skólastjóri Hússtjórnarskólans og móðir Sigfúsar handboltamanns, Edda Sif Pálsdóttir og Brynhildur Einarsdóttir fyrrverandi ráðherrafrú og menntaskólakennari. Þar var líka Vésteinn Hafsteinsson íþróttastjarna.  

Eins og sést glögglega á ljósmyndunum leiddist engum í Gunnarshúsi.