Það var vel mætt í bransateiti í tengslum við kvikmyndahátíðina RIFF sem haldið var á Telebar á Parliament-hótelinu við Austurvöll. 

Skúli Gunnlaugsson, læknir og listaverkasafnari, bauð gestum upp á myndlistarleiðsögn, en á veggjum Parliament-hótelsins hanga verk úr hans eigu. Þetta eru samtímaperlur frá listamönnum á borð við Ragnar Kjartansson, Bjarka Bragason, Rósku, Huldu Hákon, Ásgerði Búadóttur og Auði Ómarsdóttur svo einhver nöfn séu nefnt. 

Djassbandið lék kvikmyndatónlist í teitinu en á meðal gesta voru Cédric Hervet, heiðursgestur RIFF og listrænn stjórnandi Daft Punk, dagskrárstjóri RIFF, Fréderic Boyer, og bransalið eins og framleiðandinn Hrönn Kristinsdóttir, leikkonan Tinna Hrafnsdóttir, leikstjórinn Erlendur Sveinsson, kvikmyndagerðarkonan Vera Wonder Sölvadóttir, leikarinn Guðmundur Ingi Þorvaldsson, leikstjórinn Pacal Payant og Hilmar Oddson frá Sagafilm.