Einstök stemning á frumsýningu Missis

Kvikmyndin Missir var frumsýnd í Smárabíói á dögunum. Um er að ræða kvikmynd eftir Ara Alexander Ergis Magnússon sem byggð er á sögu Guðbergs Bergssonar. Fjörugt var á frumsýningunni eins og myndirnar gefa til kynna. 

Með aðalhlutverk fara Þorsteinn Gunnarsson, Sigurður Sigurjónsson og Guðrún Gísladóttir. 

Missir fjallar um 85 ára gamlan ekkil sem upplifir mikla sorg eftir makamissi. Hann er með ösku eiginkonu sinnar á besta stað í stofu og á hverjum morgni starir hann á duftkerið með henni eða þangað til hann ákveður að hræra öskunni í bolla með heitu vatni.

Um leið og hann drekkur úr bollanum birtast honum myndir af lífshlaupinu þar sem eiginkonan spilaði stórt hlutverk.