Hallgrímur Helgason gaf á dögunum út síðustu bókina í þríleiknum sem heitir Sextíu kíló af sunnudögum. Í tilefni af því var haldið veglegt útgáfuhóf og margir frægir létu sig ekki vanta eins og til dæmis Herdís Þorgeirsdóttir fyrrverandi forsetaframbjóðandi. Þarna var einnig Jón Heiðar Gunnarsson sem nýlega rataði inn á lista Smartlands yfir eftirsóttustu einhleypu karlana akkúrat núna en hann starfar sem markaðsstjóri hjá Forlaginu.

Hallgrímur er þúsundþjalasmiður í listinni því hann skrifar ekki aðeins miklar skáldsögur heldur er hann einnig lunkinn myndlistarmaður en yfirlitssýning á verkum hans stendur nú yfir á Kjarvalsstöðum.