Það var fjölmennt og góðmennt í menningarhúsinu Hörpu í gærdag þegar Framúrskarandi fyrirtækjum var fagnað við hátíðlega athöfn.

1.131 fyrirtæki er á lista Creditinfo yfir Framúrskarandi fyrirtæki í ár. 

Cred­it­in­fo hef­ur í fimmtán ár veitt Framúrsk­ar­andi fyr­ir­tækj­um í ís­lensku at­vinnu­lífi vott­un fyr­ir góðan og traust­an rekst­ur og þannig verðlaunað þau fyr­ir­tæki sem standa sig vel og stuðla að bættu viðskiptaum­hverfi.

Eft­ir að búið var að veita viður­kenn­ing­ar var boðið upp á skemmti­lega og óhefðbundna dag­skrá í Flóa á jarðhæð Hörpu.

Til þess að teljast framúrskarandi þurfa fyrirtæki að uppfylla eftirfarandi skilyrði:

• Fyrirtækið er í lánshæfisflokki 1-3
• Ársreikningi skal skilað lögum samkvæmt eigi síðar en átta mánuðum eftir uppgjörsdag. Tekið verður tillit til allra opinberra framlenginga RSK á skilafresti
• Fyrirtækið er virkt skv. skilgreiningu Creditinfo
• Rekstrartekjur að lágmarki 60 milljónir króna reikningsárið 2023, 55 milljónir króna reikningsárið 2022 og 50 milljónir króna reikningsárið 2021
• Fyrirtæki með rekstrartekjur yfir 2 milljarða króna þurfa að fylla út spurningalista um sjálfbærni
• Framkvæmdarstjóri skráður í fyrirtækjaskrá RSK
• Rekstrarhagnaður (EBIT) > 0 reikningsárin 2021-2023
• Jákvæð ársniðurstaða reikningsárin 2021-2023
• Eiginfjárhlutfall a.m.k. 20% reikningsárin 2021-2023
• Eignir að minnsta kosti 120 milljónir króna reikningsárið 2023, 110 milljónir króna reikningsárið 2022 og 100 milljónir króna reikningsárið 2021