Húsfyllir var í Iðnó fimmtudaginn 31. október þegar hugbúnaðarfyrirtækið Snjallgögn hélt þar svokallaða Snjallvöku fyrir starfsfólk, viðskiptavini og velunnara í frumkvöðlaheiminum. Síðar um kvöldið hélt fyrirtækið innflutningspartý í nýjum höfuðstöðvum sínum að Laugavegi 11.

Meðal dagskrárliða í Iðnó var kynning Stefáns Baxter, forstjóra Snjallgagna, á hugbúnaðarsvítunni Context Suite, sem er gervigreindarlausn með mál- og talskilning, gervigreindir þjónustufulltrúar fyrir verslun og þjónustu og rafrænt mælaborð sem talar og skilur mælt mál.

Snjall­gögn þróa hug­búnað fyr­ir hag­nýt­ingu gervi­greind­ar og gagna­vís­inda til að bæta sölu, þjón­ustu og dag­leg­an rekst­ur. Fyr­ir­tækið var stofnað 2018 og nú­ver­andi viðskipta­vin­ir starfa á ólík­um sviðum at­vinnu­lífs­ins, en þar eru meðal ann­ars Arctic Adventures, Blue Car Rental, Bónus, Elko, Halló, Íslandshótel, Nova, RARIK og Skatturinn