Mineral Mask andlitsmaskinn frá húðvörumerkinu Blue Lagoon Skincare var á dögunum útnefndur besti rakamaskinn í verðlaunum Allure Magazine, Best of Beauty 2024. Þetta er í annað sinn sem vörur frá Blue Lagoon Skincare tróna á toppi listans en BL+ The eye serum hlaut sömu verðlaun 2022.  

Af því tilefni var slegið upp teiti í samnefndri verslun við Laugaveg. Hólmfríður Einarsdóttir, framkvæmdastjóri Blue Lagoon Skincare, bauð gesti velkomna og Ása Brynjólfsdóttir, rannsókna- og þróunarstjóri gaf gestum innsýn í það 30 ára vísindastarf sem liggur að baki húðvörunum.

„Blue Lagoon Skincare vörurnar eru afrakstur áratuga rannsókna og þróunar. Því gleður okkur að þessi mikla vinna skili sér bæði í hágæðavörum og virtum viðurkenningum. Yfir hátíðarnar ætlum við að bjóða upp á þrjú gjafasett Blue Lagoon Skincare en eitt þeirra inniheldur verðlaunavörurnar tvær í hátíðlegri gjafaöskju. Öll hafa settin sína sérstöðu en BL+ Treatment settið er í miklu uppáhaldi hjá mér og mínum vinkonum enda samsett úr einvalaliði okkar virkustu vara. Vörurnar vinna gegn öldrun húðar og því tilvalið fyrir þá sem vilja viðhalda heilbrigði og ljóma,“ segir Hólmfríður.