Íslend­inga­fé­lagið í Kaup­manna­höfn hélt ár­lega þorra­blótið um 1. fe­brú­ar síðastliðinn við mik­inn fögnuð. Þorra­blótið er ár­viss og einn af mest sóttu viðburðum fé­lags­ins. Í ár var eng­in und­an­tekn­ing á. Alls mættu um 220 manns á þorra­blótið en miðarn­ir seld­ust upp á skömm­um tíma. Því komust færri að en vildu.

Hátíðin fór fram í menn­ing­ar­hús­inu Norður­bryggju. Í boði voru ýms­ar kræs­ing­ar, allt frá hinum hefðbundna þorramat sem er sann­ar­lega ómiss­andi yfir í lamba­læri, pip­arsósu og að sjálf­sögðu ís­lensku nammi og brenni­víni.

Veislu­stjór­inn Jarl Sig­ur­geirs­son hélt uppi frá­bæru stuði und­ir borðhaldi með fjölda­söng og fer­skeytlu­keppni sem vakti mikla kátínu meðal gesta. Einnig var happa­drætti með glæsi­leg­um vinn­ing­um frá Icelanda­ir, Icefood, Sif Jak­obs og Collab Dan­mörku. Þegar líða tók á kvöldið steig hljóm­sveit­in Brim­nes frá Vest­manna­eyj­um á svið og hélt uppi trylltu dansi­balli langt fram eft­ir nóttu.