Geirlaug bauð í 60 ára afmæli

Hótel Holt fagnaði 60 ára afmæli í vikunni og af því tilefni var boðið í glæsiteiti. Geir­laug Þor­valds­dótt­ir, eig­andi Hót­els Holts, hefur hugsað um hótelið eins og eitt af börnunum sínum en það býr yfir mikilli sérstöðu hvað varðar innréttingar og húsmuni. Svo ekki sé minnst á listaverkasafn hótelsins.

Geirlaug sagði í viðtali við Viðskiptamoggann á dögunum að hún væri alltaf með eitthvað nýtt á prjónunum. 

„Ég er vak­in og sof­in yfir hót­el­inu. Er alltaf að hugsa eitt­hvað nýtt. Núna er ég að hugsa eitt­hvað al­veg splunku­nýtt. Ég fékk nýja hug­mynd en veit ekki hvort ég kem henni í verk,“ seg­ir Geir­laug leynd­ar­dóms­full og hef­ur sem fyrr mörg járn í eld­in­um.