Heim, sem er nýtt verk eftir Hrafnhildi Hagalín, var frumsýnt í Kassanum í Þjóðleikhúsinu í síðustu viku. Magnús Geir Þórðarson Þjóðleikhússtjóri leikstýrir verkinu og fara Sigurður Sigurjónsson og Margrét Vilhjálmsdóttir með aðalhlutverkin. Auk þeirra fara Selma Rán Lima, Almar Blær Sigurjónsson, Kristín Þóra Haraldsdóttir og Hilmar Guðjónsson með hlutverk í stykkinu.

Stykkið fjallar um heimkomu móðurinnar sem leikin er af Margréti Vilhjálmsdóttur, sem dvalið hefur á heilsuhæli í Bandaríkjunum. Pabbinn, sem leikinn er af Sigurði Sigurjónssyni, slær upp veislu henni til heiðurs og gera allir sitt besta til þess að fjölskyldulífið springi ekki í loft upp. Svo brothætt og eldfimt er ástandið. 

Inn í þetta allt blandast svo nágrannarnir Elsa og Ellert, sem leikin eru af Hilmari Guðjónssyni og Kristínu Þóru Haraldsdóttur, og þá fyrst fer allt á hliðina. 

Filippa Elísdóttir hannaði leikmynd og búninga og sá Björn Bergsteinn Guðmunsson um tónlistina, Gísli Galdur Þorgeirsson sá um tónlistina og hljóðhönnun var í höndum Arons Þórs Arnarssonar og Gísla Galdurs Þorgeirssonar. 

Líf og fjör var á frumsýningunni eins og ljósmyndirnar sýna.