Hægt er að segja að kon­ur á ritvell­in­um hafi verið í fremstu línu á skemmti­legu verðlauna­kvöldi Íslensku hljóðbóka­verðalaun­anna, Stor­ytel Aw­ards, síðastliðið fimmtu­dags­kvöld. 

Viðburður­inn fór fram á Parlia­ment og þar var margt um mann­inn og mik­il spenna fyr­ir verðlauna­af­hend­ing­unni. Líkt og mbl.is greindi áður frá komu kon­ur, sáu og sigruðu á hljóðbóka­verðlaun­un­um.

Verðlaun voru veitt í alls fimm flokk­um og meðal þeirra sem hlutu verðlaun var knatt­spyrnu­kon­an Svein­dís Jane Jóns­dótt­ir í flokki barna- og ung­menna­bók­mennta fyr­ir Svein­dís Jane - saga af stelpu í fót­bolta, í lestri Álfrún­ar Helgu Örn­ólfs­dótt­ur. Bók­in er sú fyrsta frá Svein­dísi og von­andi ekki síðasta. Svein­dís sjálf var fjarri góðu gamni enda nóg að gera í bolt­an­um, en hún spil­ar um þess­ar mund­ir fyr­ir Wolfs­burg í efstu deild þýska fót­bolt­ans.

Í öðrum flokk­um báru sig­ur úr být­um: Nanna Rögn­valds­dótt­ir fyr­ir Valsk­an, í flokki bestu skáld­sagna, Birgitta H. Hall­dórs­dótt­ir fyr­ir Dæt­ur regn­bog­ans, í flokkn­um besta ljúf­lestr­ar­bók­in, Sig­ríður Dúa Goldswort­hy fyr­ir Morðin í Dillons­húsi, í flokkn­um óskáldað efni og Eva Björg Ægis­dótt­ir hlaut verðlaun fyr­ir bestu glæpa- og spennu­sög­una fyr­ir bók­ina Heim fyr­ir myrk­ur.

Þá hlaut Lestr­ar­klef­inn sér­stök heiður­sverðlaun.