Það var líf og fjör í Offic­ina Reykja­vík þegar stóll Snorra Hauks­son­ar var sýnd­ur á Hönn­un­ar­mars. Stóll­inn var hannaður í kring­um 1965 og er eina ein­takið sem hef­ur varðveist. 

Snorri menntaði sig í Detroit í Banda­ríkj­un­um en hélt seinna til Kaup­manna­hafn­ar þar sem hann lauk námi í inn­an­húss- og hús­gagna­hönn­un. Hann hélt heim að loknu námi og starfaði alla tíð sem inn­an­húss­arki­tekt í Reykja­vík, en sinnti hús­gagna­hönn­un að ein­hverju marki meðfram því.

Vitað er til að Snorri hafi hannað nokk­ur hús­gögn og er stóll­inn, sem nú er sýnd­ur, eitt af þeim. Stóll Snorra fór í fram­leiðslu hér á landi í skamm­an tíma og finna má mynd­ir í eldri tíma­rit­um þar sem hann er kynnt­ur ásamt borðstofu­borði, sem Snorri hannaði, en virðist ekki hafa varðveist.

Sú hug­mynd fædd­ist að klæða stól­inn sam­tíma­hönn­un og bjó Sól­ey Lee Tóm­as­dótt­ir graf­ísk­ur hönnuður til mynd­heima í tengsl­um við hönn­un Snorra.