Ikea kann að halda partí

Sænska móður­skipið Ikea sló upp veislu í höfuðstöðvum sín­um í Garðabæ á dög­un­um þegar ný Stockholm-lína var af­hjúpuð. Biðin eft­ir nýrri Stocholm-línu hef­ur staðið yfir í sjö ár en hlut­ir úr þeirri línu hafa notið vin­sælda. Fyrsta Stockholm-lín­an kom á markað fyr­ir 40 árum eða á því herr­ans ári 1985. Í Stockholm-lín­unni er að finna vandaðri hluti sem eru ör­lítið dýr­ari en hinn venju­legi Ikea-mun­ur. Verðmiðinn er þó sann­gjarn því hönnuðir fyr­ir­tæk­is­ins þurfa fyrst og fremst að huga að því hvar óhannaður hlut­ur á að kosta. 

Í Stockholm-lín­unni er að finna eigu­leg­ar bóka­hill­ur, lampa, gler­ljós sem má fara í uppþvotta­vél, bakka úr brassi, súper­vel hannaða kubba­sófa, gler­borð og stóla sem passa inn á ís­lensk smart­heita­heim­ili. 

Ekta Ikea-partí

Það er ekki hægt að fara í partí í Ikea nema borða nokkr­ar sænsk­ar kjöt­boll­ur og sænska sæta­brauðsbita og skola því niður með sæt­um drykkj­um. Eins og sjá má fóru bæði veit­ing­ar og hönn­un vel ofan í gest­ina.