Það var vor í lofti þegar Árvak­ur, út­gáfu­fé­lag Morg­un­blaðsins og mbl.is, hélt árs­hátíð í Sjálfs­stæðissaln­um á Ice­land Parlia­ment-hót­el­inu í miðbæ Reykja­vík­ur nú á dög­un­um. Boðið var upp á glæsi­leg­an þriggja rétta mat­seðil og dýr­ind­is vín.

Þema kvölds­ins var Las Vegas og mættu gest­ir í sínu fín­asta pússi, en at­hygli vakti að gyllt­ir og glitrandi kjól­ar voru einkar áber­andi.

Grín­ist­inn Björn Bragi Arn­ars­son sá um veislu­stjórn þetta kvöld og kitlaði held­ur bet­ur hlát­urtaug­ar viðstaddra.

Stór­söng­kon­an Jó­hanna Guðrún Jóns­dótt­ir kom og skemmti gest­um á milli rétta og flutti nokk­ur af þekkt­ustu lög­um Cel­ine Dion, þar á meðal Tit­anic-slag­ar­ann My Heart Will Go On, en flutn­ing­ur­inn fékk árs­hátíðargesti til að taka upp sím­ana og kveikja á vasa­ljós­inu.

El­vis-eft­ir­herm­an Stefán Helgi Stef­áns­son mætti einnig á svæðið og tryllti lýðinn með lög­um á borð við Hound Dog og Jail­hou­se Rock og auðvitað eld­heit­um mjaðmasveifl­um í anda kóngs­ins.

Dansað var fram yfir miðnætti, en plötu­snúður­inn Fred Fabu­lous sá um að halda stuðinu gang­andi.