Fjöldi fjár­festa, frum­kvöðla og annarra úr viðskipta­líf­inu mættu á loka­dag viðskipta­hraðals­ins Hringiðu í Björtu­loft­um í Hörpu á miðviku­dag í síðustu viku. 

Sæv­ar Helgi Braga­son, bet­ur þekkt­ur sem Stjörnu-Sæv­ar, stýrði viðburðinum en meðal þeirra sem fluttu ávarp var Heiða Björg Hilm­is­dótt­ir borg­ar­stjóri. Meðal gesta voru tón­list­ar- og fjöl­miðlamaður­inn Freyr Eyj­ólfs­son, sem er starf­andi verk­efna­stjóri hringrás­ar­hag­kerf­is Sorpu, og Ei­rík­ur Sig­urðsson, sam­skipta­stjóri Hug­verka­stofn­un­ar.

Hraðall­inn hef­ur staðið yfir und­an­farn­ar vik­ur á veg­um KLAK - Icelandic startups og er upp­skeru­hátíð þar sem nokk­ur framúrsk­ar­andi sprota­fyr­ir­tæki í grænni ný­sköp­un kynna verk­efni sín og afrakst­ur vinnu und­an­far­inna vikna, líkt og seg­ir í til­kynn­ingu.

Þá hélt Ásta Sóllilja Guðmunds­dótt­ir fram­kvæmda­stjóri KLAK stutt er­indi um græna ný­sköp­un og þá miklu vel­gengni sem Hringiðuteymi hafa átt að fagna hingað til.

Að lok­um voru það svo sjálf teym­in sem kynntu vinnu sína og svöruðu spurn­ing­um frá Mörtu Her­manns­dótt­ur, fjár­fest­inga­stjóra Eyr­ir Vent­ur­es og Kjart­ani Erni Ólafs­syni, fram­kvæmda­stjóra Transiti­on Labs, en bæði hafa inn­sýn í heim grænn­ar ný­sköp­un­ar og fjár­festa á því sviði. 

Teym­in Haf-Afl, Hudd­leHop, Loki Foods, Op­ti­tog, Sveppar­íkið, Timber Recycl­ing og Þara­hrat voru þau sem kynntu verk­efni sín en þau hafa unnið að ýmis kon­ar lausn­um er varða allt frá plöntumiðuðu heilsu­fæði yfir í orku­öfl­un, ný­sköp­un í veiðarfær­um og um­hverf­i­s­væna ferðamáta.

Bak­hjarl­ar Hringiðu+ eru Um­hverf­is-, orku- og lofts­lags­ráðuneytið, Orku­veit­an, Reykja­vík­ur­borg, Faxa­flóa­hafn­ir, Terra, og Sam­tök iðnaðar­ins.