Það var heil­mikið fjör á Lista­safni Íslands þegar boðið var upp á næturæv­in­týri í til­efni af Innovati­on Week. 
Þar blésu Íslenski vísi­sjóður­inn Crow­berry Capital, franski vísi­sjóður­inn Xange og Íslands­stofa til glæsi­legs viðburðar á Lista­safni Íslands und­ir heit­inu Nig­ht at the Muse­um. Safnið fyllt­ist af lífi þar sem inn­lend­ir og er­lend­ir frum­kvöðlar og fjár­fest­ar komu sam­an í ein­stakri kvöld­stund þar sem list og frum­kvöðlamenn­ing mætt­ust.

Gest­ir fengu tæki­færi til að skoða þrjár áhrifa­mikl­ar sýn­ing­ar. Þar á meðal hinn marg­verðlaunaða The Clock eft­ir Christian Marclay, hug­vits­sama og hnyttna sýn­ingu Hildigunn­ar Birg­is­dótt­ur Þetta er mjög stór tala, sem vakti mikla at­hygli á Fen­eyjat­víær­ingn­um, og ekki síst ögr­andi sýn­ingu um fals­an­ir í listheim­in­um sem vakti bæði undr­un og umræðu.

Á meðan gest­ir nutu list­ar­inn­ar og góðra veit­inga hélt sýn­ing­ar­stjór­inn Pari Stave tölu um sýn­ing­arn­ar og teng­ing­una við ný­sköp­un­ar heim­inn. Eft­ir það tók við lif­andi umræða og tengslamynd­un þar sem hug­mynd­ir flugu á milli frum­kvöðla og fjár­festa.