Það myndaðist ógleym­an­leg stemn­ing í Kópa­vogi á föstu­dags­kvöldið þegar tón­list­armaður­inn Birn­ir steig á svið í bak­g­arði veit­ingastaðar­ins Mossley. Birn­ir gaf út plöt­una Dyrn­ar í síðustu viku og því var ekki úr vegi að kynna plöt­una al­menni­lega með þess­um hætti. Boðið var á tón­leik­ana með sól­ar­hrings­fyr­ir­vara og var frítt inn á þá. 

Þrátt fyr­ir stutt­an fyr­ir­vara streymdi mik­ill fjöldi gesta á svæðið þannig að lög­regl­an ákvað að loka nær­liggj­andi göt­um um tíma til að tryggja ör­yggi.

Fólk naut sín í botn

Skipu­leggj­end­ur segja viðtök­urn­ar hafa farið fram úr björt­ustu von­um. 

„Sjald­séð er að horfa yfir hóp af ungu fólki þar sem varla sést sími á lofti eða drykk­ur við hönd, fólk kom til að njóta.“ 

Örygg­is­gæsla lokaði bak­g­arðinum þegar hann fyllt­ist, en þá safnaðist fólk sam­an á bíla­plani við garðinn, út á götu og í brekk­unni við Sund­laug Kópa­vogs.

Til að tryggja ör­yggi var starfs­fólk úr fé­lags­miðstöðvum í Kópa­vogi á svæðinu ásamt for­eldrarölti, lög­reglu og sjúkra­liðum. 

Fagnaði út­gáfu plöt­unn­ar Dyrn­ar

Birn­ir, sem hef­ur und­an­farið átt flest lög­in á Topp 50 Ísland list­an­um á Spotify, nýtti kvöldið til að fagna nýju plöt­unni sinni Dyrn­ar. Með hon­um komu fram nokkr­ir gestal­ista­menn sem héldu uppi stemn­ing­unni í blíðskap­ar­veðri.

„Þetta er með því skemmti­legra sem við á Mossley höf­um upp­lifað og stemmn­ing­in ótrú­leg. All­ir glaðir, ekk­ert vesen. Ég man ekki í fljótu bragði eft­ir svona viðburði,“ seg­ir full­trúi Mossley um viðburðinn.

Tón­leik­un­um lauk kl. 22.30 og leyst­ist hóp­ur­inn upp án minnstu óláta.