Vil­hjálm­ur Árna­son alþing­ismaður og rit­ari Sjálf­stæðis­flokks­ins og eig­in­kona hans, Sig­ur­laug Pét­urs­dótt­ir flug­freyja buðu í sum­argleði heim til sín. Hjón­in fögnuðu því að ár var frá því að þau fluttu í Reykja­nes­bæ en þau neydd­ust til þess að yf­ir­gefa heim­ili sitt í Grinda­vík vegna nátt­úru­ham­fara. 

Hjón­in hafa komið sér vel fyr­ir í fal­legu húsi við Lyng­móa í Njarðvík og þar sem húsið er vel búið til veislu­halda ákváðu þau að bjóða vin­um og fé­lög­um í mat og drykk. Veislu­borðin svignuðu af kræs­ing­um og stemn­ing­in var eft­ir því.

Hjón­in buðu um 200 manns í teitið og var ekki þver­fótað fyr­ir Sjálf­stæðismönn­um. Jens Garðar Helga­son vara­formaður flokks­ins lét sig ekki vanta og held­ur ekki Árni Sig­fús­son fyrr­ver­andi bæj­ar­stjóri. Þar var líka Þeng­ill Björns­son viðskipta­mó­gúll í Dubai en hann er oft kallaður til þegar vinna á stór­sig­ur í póli­tík. 

Magnús Sverr­ir Þor­steins­son auðmaður og for­stjóri bíla­leig­unn­ar Blue Car Rental, oft­ast kallaður „Maggi Blue“, lét sig ekki vanta. Fjallað hef­ur verið um hann reglu­lega á Smartlandi en hann keypti þak­í­búð auðmanns­ins Björgólfs Thors Björgólfs­son­ar á dög­un­um á 360.000.000 kr. 

Ari Elías­son, eig­andi Sport­húss­ins í Reykja­nes­bæ, Ingvar Eyfjörð, fjár­fest­ir og eig­andi Courty­ard-hót­els­ins við Kefla­vík­ur­flug­völl, sem er hluti af Marriott-keðjunni, Jóna Hrefna Sig­urðardótt­ir, fram­kvæmda­stjóri mannauðs hjá HS Veit­um, Heba Lind Guðmunds­dótt­ir, fjall­kona Suður­nesja­bæj­ar og Sæv­ar Sæv­ars­son, lög­fræðing­ur og körfu­bolta­sér­fræðing­ur létu sig ekki vanta. Knatt­spyrnu­kemp­an og markakóng­ur­inn, Guðmund­ur Stein­ars­son, sem lék árum sam­an með Kefla­vík og á að baki glæsi­leg­an fer­il í ís­lensk­um fót­bolta, rak inn nefið. 

Mar­grét Sand­ers, odd­viti Sjálf­stæðis­flokks­ins í bæn­um og Rósa Guðbjarts­dótt­ir, alþing­ismaður voru í stuði og líka tón­list­armaður­inn Ró­bert Andri, kær­asti söng­kon­unn­ar Diljár Pét­urs­dótt­ur. Hann tók upp gít­ar­inn, þar sem hann tryllti lýðinn með kraft­mik­illi tónlist sem setti punkt­inn yfir i-ið á vel heppnaðri veislu.

Stjörnu­ljós­mynd­ar­inn Hå­kon Broder Lund tók þess­ar glæsi­legu ljós­mynd­ir sem fönguðu stemn­ing­una. Eitt er víst; Vil­hjálm­ur og Sig­ur­laug kunna að halda partí.