Gerður Ar­in­bjarn­ar stofn­andi Blush seg­ir að kyn­líf­stækja­markaður­inn hafi tekið hröðum breyt­ing­um síðustu árin. Hún seg­ir að kyn­líf og kyn­líf­stæki séu miklu minna tabú og fólk sé ekki feimið við að kaupa sér slík­an varn­ing. Hún seg­ist finna mik­inn mun á þeim tíu árum sem hún hef­ur verið í brans­an­um. 

„Eitt af því sem ég tek eft­ir er að áður fyrr átti fólk oft eitt tæki en í dag er meira um að það eigi safn af tækj­um. Fólk er því að bæta við safnið reglu­lega og prófa ný tæki,“ seg­ir Gerður. 

Hvernig hef­ur kór­ónu­veir­an haft áhrif á ykk­ur? 

„Covid hef­ur held­ur bet­ur haft áhrif á okk­ur öll. Sumt hef­ur verið erfiðara en annað, en sala á kyn­líf­stækj­um hef­ur aldrei verið meiri en i dag. Þetta á ekki bara við um Ísland held­ur finna kyn­líf­stækja­fram­leiðend­ur þetta um all­an heim.

Við hjá Blush finn­um gríðarleg­an mun á sölu, en þá einna helst á sölu i net­versl­un. Fólk virðist nýta sér það mun meira að geta verslað á net­inu og fengið sent heim að dyr­um og þurfa þar að leiðandi ekki að fara út úr húsi,“ seg­ir hún.  

Gerður seg­ir að þau hafi lagt mikið á sig til að reyna að bæta þjón­ust­una svo fólk þurfi ekki að bíða í marga daga eft­ir send­ing­um frá þeim. 

„Það já­kvæða við covid er að versl­un er að fær­ast meira á netið og þar af leiðandi eru aðilar sem sjá um að senda pakka fyr­ir okk­ur að bæta sína þjón­ustu til muna. Fyr­ir ári tók 2-3 virka daga að fá pakka úr net­versl­un send­an heim en í dag get­ur þú pantað vör­ur og fengið þær send­ar heim með hraðsend­ingu á 90 mín­út­um með send­ing.is. Það er mik­ill lúx­us enda sjá­um við að þessi val­mögu­leiki er mun vin­sælli en við hefðum bú­ist við. Í dag send­um við 90% af pönt­un­um sam­dæg­urs.“ 

Hvers vegna hef­ur sal­an auk­ist á kyn­líf­stækj­um?

„Ég tel að ástæða þess að kyn­líf­stækja sala er að aukast sé að fólk er meira heima, það gef­ur sér meiri tíma fyr­ir sjálft sig og sam­band sitt. Kyn­líf er ein af grunnþörf­un­um okk­ar, hvort sem það er kyn­líf með okk­ur sjálf­um eða með maka okk­ar, og af hverju ekki að gera þá stund extra sér­staka með því að nota kyn­líf­stæki, nuddol­íu eða aðrar vör­ur sem gera upp­lif­un­ina spenn­andi og skemmti­lega.“

Hver er ykk­ar vin­sæl­asta vara í dag?

„Það sem er vin­sæl­ast hjá okk­ur núna eru sog­tæki, og svona klass­ísk tæki, tæki sem eru ein­föld í notk­un og eru ein­mitt full­kom­in fyr­ir þá sem eru að kaupa sitt fyrsta tæki. 

Það sem er vin­sæl­ast þessa dag­ana er Sat­is­fyer tra­veler sem er sog­tæki hugsað til að örva sníp­inn, Echo Eggið frá Svakom sem er lítið og nett egg til að örva sníp­inn. Það tæki er full­komið að nota með maka því það er svo fyr­ir­ferðarlítið. Flip Orb er svo vin­sæl­asta var­an fyr­ir herra, en það er runkmúffa.“

Er fólk ekki feimið að koma í búðina að versla? 

„Auðvitað eru ein­hverj­ir sem vilja frek­ar versla á net­inu og það kem­ur mörg­um á óvart að fyr­ir covid fóru 60% af söl­unni i gegn­um búðina, 30% net­versl­un og 10% komu frá heima­kynn­ingu. Þannig að það er alls ekki svo að fólk forðist það að koma í búðina að versla. Versl­un­in okk­ar er líka sett upp þannig að hún er alls ekki dóna­leg, það eru ekki ögr­andi pakkn­ing­ar eða klám sem tek­ur á móti manni þegar maður labb­ar inn. Svo má ekki geyma að starfs­fólk okk­ar er fag­legt og hef­ur víðtæka þekk­ingu á kyn­líf­stækj­um, svo oft ef fólk veit ekki hvað það á að kaupa þá er frá­bær mögu­leiki að geta komið í búðina og fengið þjón­ustu.“

Tengd­ar frétt­ir

Sam­skipti kynj­anna

Ekki endi­lega „kin­ky“ alla daga

• Hætti að stunda kyn­líf í eitt ár og þetta gerðist
• Vellíðun­ar­horm­ón hveiti­brauðsdag­anna veita sömu sælu og kókaín
• Hvernig á að stunda skyndikynni án ve­sens?
• Nota barnarödd til að fá greiða

» Fleiri tengd­ar frétt­ir

Stönd­um sam­an

Þetta ger­ir Þórólf­ur þegar út­litið er svart: „Búin að vera þung vika“

• Nettó veit­ir 44 millj­ón­ir króna til góðgerðar­mála
• Par­tírétt­irn­ir sem Siggi Gunn­ars mæl­ir með fyr­ir kvöldið!
• „Kirkj­an er opin og kem­ur til þín“
• 400 krakka hóp­d­ans í morg­un­sól­inni

» Fleiri tengd­ar frétt­ir

• Blogga um frétt