Hjón­in Regína Ósk Óskars­dótt­ir, söng­kona og skóla­stjóri í Söng­skóla Maríu, og söngv­ar­inn og smiður­inn Sig­ur­sveinn Þór Árna­son eru gest­ir Betri helm­ings­ins hjá Ása. Í þætt­in­um tala þau um lífið og til­ver­una og ást­ina. Þau kynnt­ust í Sjall­an­um á balli með Egó en svo kom að því að hann vildi biðja henn­ar. 

Regína seg­ir að þetta sé mjög vand­ræðaleg saga og að þau hafi aldrei sagt hana op­in­ber­lega áður. Sig­ur­sveinn seg­ir að þau hafi verið stödd á Ak­ur­eyri þar sem Regína var að vinna yfir sum­arið. Hann hafði hugsað lengi að hann langaði að biðja henn­ar því þau voru mjög ást­fang­in. Hann fer því niður í bæ og inn í skart­gripa­versl­un þar sem hann fann akkúrat rétta hring­inn. Hann var staðráðinn í að biðja henn­ar um kvöldið. Þegar hann sett­ist inn í bíl­inn og kveikti á hon­um var verið að spila lagið Don´t stop me now með Qu­een og hann leit á þetta sem merki um að hann ætti að láta til skara skríða. Hann býður henni út að borða og Regína seg­ir að hann hafi verið mjög skrýt­inn allt kvöldið. 

„Ég var að vand­ræðast með þetta. Á ég að gera þetta í for­rétt­in­um, aðal­rétt­in­um, eft­ir­rétt­in­um. Það ger­ist ekk­ert á meðan við för­um út að borða. Svo fáum við okk­ur göngu­túr og erum þar sem World Class núna. Sól­in var að skína og það var fá­rán­lega fal­legt veður,“ seg­ir hann og ját­ar að hann hafi verið svo stressaður að hann hafi helst langað til að fara á bak við stein og æla. 

„Svo guggna ég á þessu og við löbb­um upp í íbúð og för­um inn í her­bergi og leik­ar hitna. Við erum kom­in úr öll­um föt­un­um og það er ein­hver mús­ík í gangi,“ seg­ir hann og ját­ar að hann hafi látið hana loka aug­un­um og hafi sótt hring­inn og beðið henn­ar.

„Ég fékk bón­orð „butt naked“, seg­ir Regína og skelli­hlær.  

Í þætt­in­um tala þau um heils­una en Regína fór í lífs­stíls­breyt­ingu þegar hún missti pabba sinn. 

Hægt er að hlusta á þátt­inn í heild sinni á hlaðvarpsvef mbl.is. 

Tengd­ar frétt­ir

Betri helm­ing­ur­inn

Júlía Dag­björt kynnt­ist stóru ást­inni í Banda­ríkj­un­um

• Enok og Birgitta opna sig um lík­ams­árás­ina
• Svona kynnt­ist Edda ást­inni
• „Þenn­an mann verð ég að fá“
• „Við erum ekki sam­mála hvernig við kynnt­umst“

» Fleiri tengd­ar frétt­ir

• Blogga um frétt