Ína Lóa Sigurðardóttir framkvæmdastjóri Sorgarmiðstöðvar er fyrsti gesturinn í splunkunýju hlaðvarpi sem heitir Sorg og missir. Hlaðvarpið er á vegum Sorgarmiðstöðvar og í þessum fyrsta þætti ræðir Karólína Helga Símonardóttir við Ínu Lóu um sorgina og hátíðahald. Báðar þekkja þær sorgina vel að eigin raun því báðar hafa þær misst maka. Auk þess missti Ína Lóa barn á meðgöngu. 

Þær segja að hátíðahöld geti verið erfið fyrir syrgjendur. Karólína segir frá því að hún hafi helst viljað flýja jólin og fara til Spánar eftir að hún missti manninn sinn. Börnin hennar tóku það ekki í mál og endaði hún á því að halda jól heima og eiga góðar stundir með börnunum. 

Frétt af mbl.is

„Ég man að fyrsta árið sat í mér spurningin; Hvað svo?“

Ína Lóa segir frá því börnin hennar hafi haft sterkar skoðanir á því hvernig jólin ættu að vera og það hafi hjálpað henni að leyfa þeim að ráða för. Hún segir jafnframt að það hafi margt óvænt gerst fyrstu jólin eftir að hún missti manninn sinn. Eitt af því sem stendur upp úr er þegar nágranni hennar gladdi hana óendanlega mikið. 

„Ég kem heim í byrjun desember og nágranninn var búinn að hengja upp jólaljós hjá mér. Það var svo mikill munur að fá svona aðstoð,“ segir Ína Lóa og segir að hlutir eins og að setja upp jólaljós geti vafist fyrir fólki í sorg. 

Hægt er að hlusta á hlaðvarp Sogarmiðstöðvar á hlaðvarpsvef mbl.is. 

Tengdar fréttir

Sorgarmiðstöð

Sársaukafullt að syrgja það sem aldrei varð og aldrei verður

• „Við sækjum þá bara í fyrramálið. Sem varð svo aldrei“
• Hvernig getur fólk í sorg komist í gegnum jólin?
• Vekja athygli á stöðu syrgjenda
• Nýgift Svanhildur Nanna mætti í Sky Lagoon

» Fleiri tengdar fréttir

• Blogga um frétt