Berglind Svavarsdóttir lögmaður á Lögfræðistofu Reykjavíkar svarar spurningum lesenda Smartlands. Hér fær hún spurningu frá konu 

Góðan dag. 

Nú er ég gift til margra ára og með sameiginleg börn. Barnsfaðir minn gerði samning/kaupmála fyrir okkar hjónaband um að hann haldi öllu því sem hann átti fyrir okkar hjónaband sem séreign. Nú mun ég erfa talsvert eftir aldrað foreldri mitt og langar að spyrja. Hvernig get ég tryggt það að sá arfur verði alfarið mín séreign þegar þar að kemur eða fær eiginmaður minn sjálfkrafa helminginn fyrst við erum gift?

Kveðja,

DF

Sæl DF. 

Eign maka verður hjúskapareign nema sérstakar heimildir standi til annars svo sem vegna þess að eignir hafi verið gerðar að séreignum með kaupmála eða vegna ákvörðunar gefanda eða arfleifanda.

Vegna þess arfs sem þú átt í vændum þá skiptir máli hvort foreldrar þínir hafi mælt svo fyrir í erfðaskrá, sem þeim er heimilt, að allur arfur eftir þau verði séreign erfingja þeirra á meðan þeir eru í hjúskap. Ef engin slík ákvæði liggja fyrir þá geta hjón ákveðið með kaupmála að tiltekin verðmæti, þ.á m. væntanlegur arfur, skuli verða séreign annars þeirra.

Kveðja, 

Berglind Svavarsdóttir lögmaður

Liggur þér eitthvað á hjarta? Þú getur sent Berglindi og öðrum lögmönnum á lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Hvernig er rétt að haga umgengni tveggja ára barns eftir skilnað?

• Býðst spennandi starf en veltir fyrir sér þessum 5%
• Er ekki borgunarmaður fyrir skuldum
• Skerðist ellilífeyrir ef húsið er selt og minni íbúð keypt?
• Er söluhagnaður íbúðarhúsnæðis undanþeginn skattlagningu?

» Fleiri tengdar fréttir

• Blogga um frétt