Rannsóknir hafa gefið til kynna að einn af hverjum fjórum mun vera einhleypur út ævina. En er það endilega svo? Sérfræðingar eru ekki á eitt sáttir.

Umrædd rannsókn er frá Pew Research Center í Bandaríkjunum og var birt árið 2021. Þrátt fyrir að vera ekki ný af nálinni þá hefur rannsóknin ratað í fjölmiðla upp á síðkastið.

Kynlífsráðgjafinn Georgia Grace, segir í viðtali við Body & Soul að ekki sé tilefni til þess að örvænta. 

„Þessi rannsókn gefur ekki heildstæða mynd af þátttakendum. Margir líta kannski út fyrir að vera einhleypir því þeir hafa ekki gift sig en slíkar fullyrðingar standast svo ekki nánari skoðun. Sumir hafa verið í langtímasamböndum, eru fráskildir eða hafa misst maka sína. Sumir vilja svo ekki giftast. Kannski hafa þeir einhvers konar samkomulag með einhverjum. Það vantar að taka tillit til þessa ólíku aðila í rannsókninni.“

Grace bendir hins vegar á það að fólk nálgist stefnumót og sambönd með allt öðrum hætti en áður sem gæti útskýrt afhverju fleiri eru einhleypir. Fólk er til dæmis ekki jafntrúað og áður og frestar því að giftast.

„Fólk kýs í auknum mæli skírlífi og það er jafnvel að trenda á samfélagsmiðlum. Fólk um allan heim er að sniðganga karlmenn til þess að sýna samstöðu gegn ofríki og kúgun. Í gamla daga var fólk saman sama hvað tautaði og raulaði en í dag lætur það ekki bjóða sér samband sem nærir það ekki andlega. Konur eru þar að auki betur staddar fjárhagslega og þurfa ekki karlmann líkt og forðum daga.“

„Fleiri hafa líka áttað sig á því að það þarf ekki að vera í sambandi til þess að lifa hamingjusömu lífi. Staðreyndin er sú að öll tölfræðin er villandi og ekki er ástæða til þess að örvænta.“

Tengdar fréttir

Samskipti kynjanna

Þarf að þola tilbreytingalaust kynlíf?

• Þurfti að þola kynlífslaust hjónaband
• 30 atriði sem kveikja í konum
• „Það er líklegt að pirringurinn hafi átt rætur að rekja til valdastöðu þeirra beggja“
• Getur pillan leitt til rangs makavals?

» Fleiri tengdar fréttir

• Blogga um frétt