Það að slíta sambandi við einhvern getur verið erfitt og dregið fram það versta í fólki. Það getur því verið sérstaklega krefjandi þegar annar aðilinn sýnir narsissíska hegðun. Hann getur orðið mjög ósamstarfsfús og leitað allra leiða til þess að vera erfiður," segir Gillian Coote fjölskyldulögfræðingur í viðtali hjá Body&Soul.

„Slíkir einstaklingar sýna litla samkennd og eru ekki tilbúnir til þess að gera málamiðlanir. Þeir tefja allt ferlið til þess að viðhalda stjórn.“

„Það er mikilvægt að skilja hegðunarmynstur slíkra aðila til þess að vera í stakk búin til þess að kljást við þá. Þeir gætu sýnt hefnigirni, tilfinningasveiflur og tekið reiðiköst.“

„Algengustu mistök sem fólk gerir í samskiptum við slíka einstaklinga er að leyfa þeim að dreifa athyglinni manns frá meginatriðum máls með kvíðavaldandi drama. Þeir staðsetja sig sem fórnarlömb, segja ósatt, gaslýsa þér eða tala illa um þig við aðra. Þeir þrífast á að valda öðrum vanlíðan og kvíða. Besta leiðin til þess að falla ekki í þá gildru er að sýna engin viðbrögð. Beindu sjónum þínum að ferlinu og passaðu þig á að færast stöðugt settu marki svo þú getir hafið nýtt líf. Þeir munu á endanum gefast upp á að reyna að vekja einhver viðbrögð hjá þér.“

Það er hægara sagt en gert að leiða hjá sér erfiða hegðun narsissista og sérfræðingar segja að mikilvægt sé að setja skýr mörk strax í upphafi og fara eftir þeim í einu og öllu. Sérstaklega ef börn eru í spilinu.

„Samskiptin gætu þá einskorðast við börnin. Hægt er til dæmis að nota öpp fyrir slík samskipti, þar sem allt er á einum stað. Þá er gott að skrá hjá sér öll samskipti sem eru neikvæð. Maður gæti þurft að vísa til þeirra í framtíðinni.“

„Fólk með þessa eiginleika elska að rífast og sigra. Þú þarft að velja þínar baráttur vel. Íhugaðu hvað er mikilvægast og vertu reiðubúin að gera málamiðlanir með það sem er minna mikilvægt.“

Tengdar fréttir

Samskipti kynjanna

Afhverju heldur fólk framhjá yfir hátíðirnar?

• Fimm stefnumótaráð fyrir nýja árið
• 10 ráð fyrir góð sambönd
• Hélt að ég yrði aldrei einmana með kærasta
• Þarf að þola tilbreytingalaust kynlíf?

» Fleiri tengdar fréttir

• Blogga um frétt